"Ekol Mühəndislik Xidmətləri" QSC-nin fəaliyyətinin prioritet istiqamətlərindən biri də işçilərin iş və məişət şəraitinin yaxşılaşdırılmasıdır. Bu sahəyə daimi böyük önəm verilir. QSC-nin istehsalat sahələrində yeni sosial obyektlər inşa edilməklə yanaşı inzibati, məişət və yardımçı binalarda mütəmadi olaraq təmir və yenidənqurma işləri aparılır, ərazilər abadlaşdırılır və yaşıllaşdırma tədbirləri həyata keçirilir.
Bu ardıcıl tədbirlərin davamı olaraq, iyul ayında QSC-nin O.Vəliyev 1 ünvanda yerləşən və uzun müddət istismarda olan yeməkxanasında əsaslı təmir işlərinə başlanılmışdır. Hazırda gündə 150 nəfərədək işçiyə yüksək səviyyədə xidmət göstərən yeməkxana kompleksində təmir yenidənqurma işləri son mərhələsindədir. Yeməkxananın müasir üslubda təmir edilərək qısa zamanda işçilərin istifadəsinə verilməsi nəzərdə tutulur.
tarix : 26.07.2013
|