|
ARDNŞ respublikamızda fəaliyyət göstərən bir sıra ali təhsil müəssisələri ilə Əməkdaşlıq Memorandumu imzalamışdır. Memorandumun protokol qaydalarına əsasən, ali təhsil müəssisələri tələbələrinin maarifləndirilməsi məqsədilə istehsalata tətbiq edilmiş yeni texnika və texnologiyaların mənimsənilməsi, neft sənayesi və ekologiya sahəsində qazanılmış təcrübədən tələbə və müəllim heyətinin yararlanması, təhsil müəssisələrində əldə olunmuş elmi-texniki nailiyyətlərin istehsalatda tətbiqi sahələrinin müəyyən edilməsi, eyni zamanda tələbələrdə təcrübi biliklərə marağın artırılması istiqamətində tədbirlər davam edir.
Bununla əlaqədar olaraq, Azərbaycan Memarlıq və İnşaat Universitetinin “Su təsərrüfatı və mühəndis kommunikasiya sistemləri” fakültəsinin və Bakı Dövlət Universitetinin “Ekologiya və Torpaqşünaslıq” fakültəsinin tələbələri iyul ayında “Ekol Mühəndislik Xidmətləri” QSC–nin xidmət sahələrində istehsalat təcrübəsi keçmişlər. İstehsalat təcrübəsinin səmərəli keçməsi üçün tələbələrə bütün lazımı şərait yaradılmış, QSC-nin baş direktorunun müvafiq əmri ilə Ekoloji monitorinq departamentinin rəisi, peşəkar mütəxəssis Şahabiddin Albuşov istehsalat-təcrübə rəhbəri təyin olunmuşdur.
Təcrübə müddətində Şahabiddin Albuşov tələbələrə “Ekol Mühəndislik Xidmətləri” QSC-nin fəaliyyəti haqqında geniş məlumat vermiş, onları sənaye-axıntı sularının təmizlənməsi, neftşlamın emalı və zərərsizləşdirilməsi prosesləri, eləcə də texnoloji qurğuların iş prinsipləri ilə yaxından tanış etmişdir. Həmçinin, tələbələr Torpaqların rekultivasiyası departamentinin xidmət göstərdiyi sahələrdə ağaclara aqrotexniki xidmətlərin göstərilməsi ilə tanış edilmiş, onlara QSC-də ətraf mühitin mühafizəsi istiqamətində həyata keçiriləcək yeni layihələr barədə məlumat verilmişdir. 2013-cü ilin avqust ayında M.V. Lomonosov adına Mockva Dövlət Universitetinin, Bakı filialının kimya fakültəsinin tələbələrinin də QSC-də istehsalat təcrübəsi keçmələri nəzərdə tutulmuşdur.
Ali təhsil ocaqlarında təhsil alan tələbələrinin maarifləndirilməsi, onların elmi biliklərinin istehsalatla əlaqələndirilməsi və gənc nəsilin təcrübi biliklərinin artırılması “Ekol Mühəndislik Xidmətləri” QSC-nin fəaliyyətinin prioritet istiqamətlərindən biridir və bu istiqamətdə daimi məqsədyönlü tədbirlər görülür.
tarix : 29.07.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
