Xidmətlərimiz
|
|
|
|
"Ekol Mühəndislik Xidmətləri" QSC -də müqəddəs Ramazan bayramı münasibətilə tədbirlər keçirilmişdir
|
Xeyir-bərəkətlə dolu Ramazan ayını başa vururuq. Avqustun 8-9-da Ramazan–Fitr bayramı dünya müsəlmanları tərəfindən böyük sevinc və ruh yüksəkliyi ilə qeyd olunur. Bu müqəddəs bayramın əsl mahiyyəti ilk növbədə insan ruhunun yeniləşməsi, saflaşması, ilahi ab-havaya qərq olması ilə bağlıdır.
Bizlər bu ayın hər gününü Allaha doğru yüksələn bir pillə sanıb, addım-addım yüksələrək bu mənəvi zirvəyə çatırıq. Arxaya çevrilib baxdıqda və ruhumuza nəzər saldıqda özümüzü bir ay öncədən 30 pillə yüksəklikdə görürük. Elə Ramazan ayının bitməsi də bu yüksəlişin qeyd olunmasıdır. Bu bayram sevinci Ramazan ayında yüksəlişə nail olmamızın, Allaha doğru gedən yolda daha 30 pillə yüksəldiyimizin, yeni ilahi zirvələr fəth etdiyimizin, günahlardan təmizlənməyimizin və Ulu Tanrıya daha da yaxın olmağımızın sevincidir. Bir müsəlman dövləti olaraq hər il olduğu kimi, bu il də Ramazan bayramı respublikamızda böyük təntənə ilə qeyd olunur. Bu bayram “Ekol Mühəndislik Xidmətləri” QSC-də də sevinc və ruh yüksəkliyim ilə qeyd olunmuş, avqustun 7-də bu münasibətlə QSC-nin ayrı-ayrı struktur bölmələrində tədbirlər keçirilmişdir. Tədbirlərdə QSC-nin istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, İqtisadiyyat və Uçot İdarəsinin rəisi Əli Bağış, İctimai Sosial Şöbənin rəisi, YAP "Ekol" ilk ərazi təşkilatının sədri Fəxrəddin Quliyev, Həmkarlar İttifaqı Komitəsinin sədri Əli Ələkbərov və digər çıxış edənlər kollektivi bu bayram münasibətilə təbrik etmiş, Ulu Tanrıdan onlara sülh, əmin-amanlıq, ruzi-bərəkət, firavanlıq bəxş etməsini və oruc tutanların oruclarının qəbul olunmasını arzulamışlar. Sonda QSC-nin kollektivinin 100-ə qədər oruc tutmuş üzvlərinə ərzaq məhsulları paylanmışdır. Oruc tutan işçilər bu diqqət və qayğıya görə QSC-nin rəhbərliyinə öz dərin minnətdarlıqlarını bildirmişlər.
tarix : 07.08.2013
|
|
|
|
|
|
|