|
Xidmətlərimiz
|
|
|
|
"Ekol Mühəndislik Xidmətləri" QSC-nin istehsalat sahələrində yaşıllaşdırma işlərinə xüsusi diqqət yetirilir
|
|
QSC-nin istehsalat sahələrində iş şəraitinin və ekoloji vəziyyətin yaxşılaşdırılması, işçilərdə estetik təsirin gücləndirilməsi vacib bir amil kimi həmişə diqqət mərkəzində saxlanılır və bu istiqamətdə mütəmadi olaraq məqsədyönlü tədbirlər həyata keçirilir. Bu məqsədlə, QSC-nin istehsalat sahələrində zərərli maddələrin təsir dərəcəsinin azaldılmasında mühüm rol oynayan yaşıllıqların salınması, bitkilərin mühafizəsi və inkişaf etdirilməsi işləri günü-gündən genişlənməkdədir.
Bu işlərin yerinə yetirilməsində isə QSC-nin İnzibati təsərrüfat şöbəsinin (İTŞ) kollektivinin əməyi böyükdür. İTŞ-nin təcrübəli mütəxəssislərinin və bağbanların fəaliyyəti nəticəsində ötən ildə olduğu kimi cari ildə də yaşıllıq sahələri genişləndirilmiş, ağac və bəzək kollarının sayı xeyli dərəcədə artırılmışdır. Yaşıllıq sahələri müasir suvarma sistemləri ilə təchiz olunmuşdur. Bağbanların gərgin əməyi sayəsində isti yay günlərində suvarma işlərinin müntəzəm aparılması və yaşıllıqlara lazımı aqrotexniki xidmətlər göstərilməsi nəticəsində, istehsalat sahələri gül-çiçəyə və yaşıllıqlara bürünmüşdür.
QSC-də istehsalat proseslərinin təkmilləşdirilməsi və yeni texnologiyaların tətbiqi nəticəsində atmosferə atılan zərərli maddələrin miqdarının azaldılması da yaşıllıqların inkişaf etməsinə öz müsbət təsirini göstərmişdir.
Ekoloji vəziyyətin yaxşılaşdırılmasında və insan sağlamlığının qorunmasında yaşıllıqların roluna böyük önəm verən və istehsalat sahələrinin yaşıllaşdırılmasını fəaliyyətinin əsas tərkib hissəsi kimi qəbul edən "Ekol Mühəndislik Xidmətləri" QSC bundan sonra da bütün zəruri tədbirlərin həyata keçirilməsini planlaşdırmışdır.
tarix : 20.08.2013
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
