İSO-9001, İSO-14001 və OHSAS-18001 beynəlxalq standartlarının tələbləri səviyyəsində fəaliyyət göstərən "Ekol Mühəndislik Xidmətləri" QSC prioritet ekoloji layihələr həyata keçirməklə yanaşı, ətraf mühitə zərər vermədən öz istehsalat sahələrində formalaşan tullantıların idarə olunmasına və utilizasiyasına da xüsusi önəm verir. Bu məqsədlə QSC-də formalaşan, istifadəsi başa çatmış avtomobil şinləri, akkumulyatorlar, lümünises lampalar, məişət elektrik cihazları, kartriclər, printerlər, faks aparatı üçün lentlər və s. xüsusi tullantıların utilizasiyası vaxtaşırı olaraq həyata keçirilir.
Azərbaycan Respublikası Dövlət Neft Şirkətinin 02.04.2010-cu il tarixli, 45 saylı əmri ilə təsdiq edilmiş “Tullantıların İdarə Olunması Planı”nın icrası ilə əlaqədar, olaraq 2013-cü ildə də QSC-nin istehsalat sahələrində formalaşmış xüsusi tullantıların ARDNŞ-nin Ekologiya İdarəsinin Qaradağ rayonu ərazisində yerləşən Tullantılar Mərkəzinə təhvil verilməsi təmin edilmişdir.
Tullantıların idarə olunması, anbarlaşdırılması, xüsusi konteynerlər və nəqliyyat vasitələri ilə daşınması beynəlxalq standartların tələblərinə tam uyğun qaydada həyata keçirilmişdir.
tarix : 04.09.2013
|