"Ekol Mühəndislik Xidmətləri "QSC hazırda həyata keçirdiyi prioritet və iri miqyaslı ekoloji layihələrdən biri də, Heydər Əliyev adına BNEZ-nun və "Azərneftyağ" NEZ-nun Bakı Ağ Şəhər layihəsi ərazisindəki köhnə sənaye obyektlərindən neftşlamın və neftlə çirklənmiş torpaqların daşınması layihəsidir.

QSC 2010-cu ildən başlayaraq bu layihənin icrası təqvim planına uyğun olaraq davam etdirir.
Layihənin icrasını layiqincə yerinə yetirən QSC-nin Torpaqların Rekultivasiyası Departamenti sentyabr ayında layihə ərazisində 103 min 65 m3-dək neftlə çirklənmiş torpaq daşımış, 15 min 420 m3-dək sənaye-çirkab, axıntı suları nəql edilmişdir.
Ümumilikdə 2010-2013-cü illərdə ARDNŞ-nin Heydər Əliyev adına BNEZ və "Azərneftyağ" NEZ-nın layihə ərazisindəki köhnə sənaye obyektlərindən 56 min 261 m3-dən çox neftşlam, 2 milyon 140 min 627 m3-ə qədər neftlə çirklənmiş torpaq daşınmış, 282 min 210 m3 -dən çox sənaye-çirkab, axıntı suları nəql edilmişdir. Layihənin icrası uğurla davam etdirilir.

tarix : 01.10.2013