Oktyabrın 21-də, QSC-nin baş ofisində " Neftlə çirklənmiş torpaqların və neftşlamların utilizasiyası və zərərsizləşdirilməsi texnologiyalarının işlənməsində Azərbaycan Milli Elmlər Akademiyası, Mineral Xammalın Kompleks Emalı üzrə Texnoloji Bürosunun (MXKE Tİ XKTB) fəaliyyəti" mövzusunda görüş keçirilmişdir. Görüşdə "Ekol Mühəndislik Xidmətləri" QSC-nin baş direktoru Ramil Əliyev, baş direktorun müavinləri Məzahir Hüseynov, Rəşad İsmayılov, ARDNŞ-nin Ekoloji layihələrin İdarəedilməsi şöbəsinin rəisi Rövşən Fətullayev, "Azneft" İB-nin baş direktorunun ekologiya məsələləri üzrə müavini Faiq Cəfərov, ARDNŞ-nin Ekologiya İdarəsinin və QSC-nin əlaqədar departament, şöbə rəisləri, mütəxəssislər, eləcə də AMEA-nın MXKE Tİ XKTB-nun direktoru Qəhrəman Həsənov iştirak etmişlər.

"Ekol Mühəndislik Xidmətləri" QSC-nin baş direktoru Ramil Əliyev ilk öncə qonaqları salamlamış və görüşün məqsədi barədə onlara məlumat vermişdir. Sonra söz AMEA-nın MXKE Tİ XKTB-nun direktoru Qəhrəman Həsənova təqdim olunmuşdur.
Qəhrəman Həsənov öz çıxışında qeyd etmişdir ki, MXKE Tİ XKTB 1991-ci ildən AMEA-nın nəzdində fəaliyyət göstərir və o vaxtdan respublikamızın ekoloji problemləri, xüsusilə neftlə çirklənmiş torpaqların və neftşlamların utilizasiyası və zərərsizləşdirilməsi texnologiyalarının işlənməsi ilə məşğuldur. O, çirklənmiş torpaqlara fiziki-kimyəvi təsir metodları haqqında geniş məruzə etdi və elektron məlumatları görüş iştirakçılarının diqqətinə çatdırdı. Təqdimatdan sonra mövzu ətrafında geniş müzakirələr aparıldı və bir sıra məqamlara aydınlıq gətirildi.
Sonda qərara alındı ki, təklif olunan texnologiyaların və qurğuların tətbiqi sahəsində birgə araşdırmalar aparılsın və konkret nəticələr əldə edildikdən sonra gələcək əməkdaşlıq əlaqələrinin istiqamətləri müəyyən edilsin .
Bununla da görüş qarşılıqlı anlaşma və işgüzar şəraitdə başa çatmışdır.

tarix : 22.10.2013