"Ekol mühəndislik Xidmətləri" QSC əsas xidmət sahələri üzrə 2013-cü ilin 9 ayını layiqli göstəricilərlə başa vuraraq "Sifarişçi" təşkilatların müqavilə öhdəliklərini uğurla yerinə yetirmişdir. QSC-nin Ekoloji Monitorinq Departamenti cari ilin 9 ayında müqavilə şərtlərinə uyğun olaraq ARDNŞ-nin Qaz Emalı Zavodunda, "Azneft" İB-nin "28 may", "Neft daşları, "Abşeronneft", N.Nərimanov adına NQÇİ-də və ARDNŞ-nin "Kompleks Qazma İşlər" Trestinin ayrı-ayrı idarələrində, həmçinin "Balakhanı Operatinq Company LTD" Şirkətinin Azərbaycan Respublikası filialında təqvim planına uyğun olaraq ekoloji monitorinq işlərini həyata keçirmişdir. Bununla yanaşı, "Azneft" İB-nin 10-a qədər təşkilatları, "Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyi, "Balakhanı Operatinq Company LTD" Şirkətinin Azərbaycan Respublikası filialı, "Azkontakt" MMC və "Star Beton Production" MMC üçün bir sıra ekoloji normativ-texniki sənədlərin işlənib hazırlanması davam etdirilmiş, bir çox sənədlər isə sifarişçilərə təhvil verilmişdir.
Departamentin Kompleks Tədqiqatlar Laboratoriyası da üzərinə düşən vəzifələri layiqincə icra etmişdir. Cari ilin 9 ayında QSC-nin Tullantıların emalı departamentinin (TED) 6-cı sahəsində Heydər Əliyev adına BNEZ-nun 7 milyon 476 min m3, 7-ci sahəsində isə "Azərneftyağ" NEZ- nun 8 milyon 822 min m3-dən çox sənaye çirkab suları təmizlənmişdir. Müvafiq olaraq 6-cı sahədə 21 min 177 ton, 7-ci sahədə isə 8 min 160 ton neftşlam emal olunaraq zərərsizləşdirilmişdir. Bu müddət ərzində "AAS-EKOL" MMC-dən daxil olan 112 tona qədər ərsin parafini su və mexaniki qarışıqlardan təmizlənmişdir. Hesabat dövründə QSC-nin TED tərəfindən "Sifarişçi" təşkilatlarından ( ARDNŞ-nin Ekologiya İdarəsi, "Kompleks Qazma İşləri" Tresti, "Neftqaztikinti" Tresti, "Xəzərdənizneftdonanma", "Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyi, AAS-ATE MMC, "AAS-EKOL" MMC, FHN-nin Xəzər Hövzə Qəza-xilasetmə xidməti, "Az Metanol KO" MMC, "İnter Qaz Servis" MMC , və s.) təmizləyici qurğulara daxil olan 57 min m3-ə qədər mədən axıntı, məişət təsərrüfat, döşəməaltı, lyal axıntı, neftli suların daşınması və təmizlənməsi, v 3 min tona qədər neftşlamın, eləcə də neftli torpağın isə emalı və utilizasiyası həyata keçirilmişdir. Eyni zamanda, ARDNŞ-nin Sosial İnkişaf İdarəsi ilə olan müqaviləyə əsasən Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış Böyük Şor sahəsindən 413 min 407 m3-dək fekal suları kənarlaşdırılmış, Bakı Ağ Şəhər layihəsi ərazisindən isə Heydər Əliyev adına BNEZ-nun və "Azərneftyağ" NEZ-nun istehsalat sahələrindəki gölməçələrdə yığılmış 282 min 210 m3-dək sənaye çirkab suları nəql edilmişdir. 2013-cü ilin 9 ayında QSC-nin Torpaqların Rekultivasiyası Departamenti də müqavilə öhdəliklərinə layiqincə əməl etmişdir. Bakı Ağ Şəhər layihəsi çərçivəsində ARDNŞ-nin Heydər Əliyev adına BNEZ-nun və "Azərneftyağ" NEZ-nun ərazisindən 749 min 684 m3-dən çox neftşlamın və neftlə çirklənmiş torpaqların daşınmasını təmin olunmuş, ARDNŞ-nin "Azneft" İB-nin H.Z.Tağıyev adına, "Abşeronneft", "BibiHeybətneft", NQÇİ-nin mədən ərazilərində və Qaz Emalı Zavodunun ərazisində 76 min 826 ədəd müxtəlif ağac növlərinə aqrotexniki xidmətlər göstərilmişdir. Hesabat dövründə QSC-nin digər xidmət sahələrində də işlər uğurla həyata keçirilmiş, qarşılıqlı əməkdaşlıq və yeni ekoloji layihələrin icrası sahəsində bir çox xarici və yerli təşkilatlarla işgüzar görüşlər keçirilmişdir. "Ekol mühəndislik Xidmətləri" QSC üzərinə düşən öhdəliklərin layiqincə yerinə yetirilməsi sahəsində fəaliyyətini davam etdirir.
tarix : 23.10.2013
|