"Ekol Mühəndislik Xidmətləri" QSC-də xidmət sahələrinin və ekoloji layihələrin texniki təhlükəsizliyinin təmin edilməsi, təhlükəsiz əmək şəraitinin yaradılması və bu sahədə işlərin beynəlxalq standartlar səviyyəsinə çatdırılması məqsədilə ardıcıl tədbirlər həyata keçirilir.
Bununla əlaqədar olaraq, QSC-nin xidmət sahələrində əmək şəraitinin yaxşılaşdırılması, texniki təhlükəsizlik qaydalarına riayət olunması, işçilərin istehsalat sanitariya normalarına uyğun məişət otaqları, xüsusi geyim və fərdi mühafizə vasitələri ilə təmin olunmalarına diqqət artırılır, əməyin mühafizəsi və texniki təhlükəsizliyin təmin olunması istiqamətində mühüm işlər yerinə yetirilir. Əmək şəraitinin təhlükəsizlik normalarına uyğunlaşdırılması, istehsalat zədələnmələlərinin qarşısının alınması məqsədilə, texniki təhlükəsizlik sahəsində illik tədris proqramına uyğun olaraq QSC-də çalışan işçilərə vaxtaşırı təlimlər və məşqlər keçirilir, təyin olunmuş müddətlərdə onların bilik səviyyələri yoxlanılır, əlavə təlimatlandırma və maarifləndirmə tədbirləri görülür. QSC-nin xidmət sahələrində yanğından mühafizə tədbirlərinin gücləndirilməsi, bu sahədə işçilərin bilik səviyyələrinin artırılması və yanğından mühafizə vasitələrindən istifadə qaydalarının dərindən mənimsənilməsi də diqqət mərkəzində saxlanılır. Keçirilən dövrü məşğələlərdə işçilərə yanğın zamanı davranış qaydaları və ilkin yanğınsöndürmə vasitələrinin xarakteristikaları izah edilir, onların istifadə qaydaları nümayiş olunur. QSC-nin qəbul etdiyi və sertifikat aldığı OHSAS 18001 beynəlxalq standartlarının tələblərinə uyğun olaraq xidmət sahələri müasir texniki təhlükəsizlik və yanğından mühafizə vasitələri, yanğınsöndürən köpük, eləcə də müvafiq təlimatlar və ədəbiyyatlarla təchiz edilmiş, işçilər xüsusi geyim və tibbi yardım vasitələri ilə təmin olunmuşlar. QSC-də texniki təhlükəsizlik işlərinin OHSAS 18001 beynəlxalq standartlarının tələbləri səviyyəsində qurulması istiqamətində işlər davam etdirilir.
tarix : 25.10.2013
|