“Ekol Mühəndislik Xidmətləri” QSC-nin fəaliyyətində xüsusi rolu olan Nəqliyyat Sexi (NS) əvvəlki illərdə olduğu kimi, 2013-cü ilin 9 ayında da öz səmərəli fəaliyyəti ilə uğurlu nəticələrə imza atmışdır.
Cari ilin müvafiq dövründə "Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyində, ARDNŞ-nin "Xəzərdənizneftdonanma"da, Neft Kəmərləri İdarəsində, Heydər Əliyev adına BNEZ-da, "Azərneftyağ" NEZ-da, "Abşeronneft", BibiHeybətneft" və H.Z.Tağıyev adına NQÇİ-nin mədən ərazilərində QSC-nin həyata keçirdiyi ekoloji layihələrin icrasında da NS yaxından iştirak etmiş, xidmət sahələri fasiləsiz olaraq xüsusi texnika və nəqliyyat vasitələrlə təmin olunmuşdur. Bu müddət ərzində xüsusi texnikalar vasitəsilə ("Belarus" MTZ-892, Ekskovator MST-542, Buldozer Keyz, özüboşaldan "Kamaz" markalı avtomaşınlar və s.) layihə ərazilərinə 158 m3 torpaq, 8 m3 peyin, 3 200 m3 su, 40 m3 münbit torpaq, 15 ton həcmində armatur və digər yüklər daşınmışdır. Bu ərazilərdən 35 m3 müxtəlif tullantılar çıxarılmış, 1 800 ədəd ağac əkilməsi üçün çala, 60 m uzunluğunda isə kanal qazılmışdır. Lilsovuran nəqliyyat vasitələri ilə ARDNŞ-nin Neft Kəmərləri İdarəsinin Abşeron rayonu ərazisindəki istehsalat sahəsində bioloji qurğularda məişət-texniki suların təmizlənməsi və neftli-yağlı suların təmizlənməsi (162 saat) həyata keçirilmişdir. 2013-cü ilin 9 ayında NS "Sifarişçi" təşkilatların ərazilərindən çirkab suların təqvim planına uyğun daşınmasını da təmin etmişdir. Lilsovuran nəqliyyat vasitələri ilə "Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyinin mədən ərazilərindən 28 min 190 m3 çirkab suları, ARDNŞ-nin "Xəzərdənizneftdonanma"dan 418 min 755 m3 döşəməaltı-lyal axıntı suları, Ekologiya İdarəsindən ərazilərindən 60 m3 neftli, kimyəvi tərkibli sular “Ekol Mühəndislik Xidmətləri” QSC-nin təmizləyici qurğularına daşınmışdır. Eyni zamanda ARDNŞ-nin "Neftqaztikinti" trestinin ərazisindən 453 m3 axıntı çirkab sularının, "Az Metanol KO" MMC-nin fəaliyyət sahələrindən isə 36 m3 neftlə çirklənmiş suların daşınması həyata keçirilmişdir. Cari ildə QSC-nin yaşıllıqlara aqrotexniki xidmətlərin göstərilməsi layihələrinin icrasında da NS fəallıq göstərmiş, bitkilərin əlavə suya olan tələbatını, eləcə də layihə ərazilərində məişətdə istifadə olunan su ehtiyaclarını təmin etmək üçün məqsədyönlü tədbirlər görmüşdür. Bu məqsədlə "Ford Truck" 1826 D markalı nəqliyyat vasitəsilə H.Z.Tağıyev adına NQÇİ-nin Qala sahəsinə 955 m3 , A-4 sahəsinə 1 430 m3 , Böyük-Şor , Bakı Ağ Şəhər, layihə ərazilərinə 47 m3 , Dübəndi və Zığ sahələrinə isə 110 m3 -ə qədər su daşınmışdır. Bununla yanaşı, hesabat dövründə NS-nin nəqliyyat vasitələrinə texniki xidmətin səviyyəsinin artırılması istiqamətində də məqsədli tədbirlər həyata keçirilmişdir. Nəqliyyat vasitələrinin fasiləsiz rejimdə işləməsi üçün lazımı ehtiyat hissələri və yanacaq sürtgü materialları ilə təmin olunmuşdur. Nəqliyyat vasitələri vaxtlı-vaxtında texniki baxışdan keçirilmiş, yol vərəqələri və norma həddində yanacaq sürtgü materialları ilə təmin edilmişdir. Hərəkətin təhlükəsizliyini təmin etmək məqsədilə qabaqlayıcı tədbirlər görülmüş, sürücülərə vaxtaşırı təlimatlar keçirilmişdir. Nəqliyyat Sexi öz fəaliyyətini QSC-də istehsalatın fasiləsizliyinin təmin edilməsi və ekoloji layihələrin keyfiyyətlə həyata keçirilməsi üçün yüksək səviyyəli texniki xidmətlərin göstərilməsinə yönəltmiş və bu istiqamətdə fəaliyyətini əzmlə davam etdirir.
tarix : 31.10.2013
|