Ötən illər ərzində, modul dekantor qurğuları vasitəsilə QSC-nin xidmət sahələrində, o cümlədən Heydər Əliyev adına BNEZ, "Azərneftyağ" NEZ, "BibiHeybətneft" NQÇİ və digər "Sifarişçi" təşkilatlarda formalaşan 100 min tonlarla neftşlam emal edilərək zərərsizləşdirilmişdir. Bu proseslər hazırda da davam etdirilir.

     Bununla yanaşı ,   modul dekantor qurğularının tam istehsal gücü ilə istismar edilməsi və texnoloji proseslərinin keyfiyyətinin daha da yasxşılaşdırılması istiqamətində  ardıcıl tədbirlər həyata keçirilir.  Bu məqsədlə  QSC, cari ildə "Alfa-Laval" şirkətinin istehsalı olan  yeni modul FOX-15 separator qurğusunu  əldə edərək öz texniki parkına əlavə etmişdir. FOX-15 separator qurğusunun  əsas funksiyası  dekantor  qurğusundan çıxan  maye qarışığını  üç fazaya,  neft məhsulu, su və mexaniki qarışığa ayırmaqdan ibarətdir.

     Hazırda "Alfa-Laval" şirkətinin mütəxəssislərinin iştirakı ilə  Tullantıların Emalı Departamentinin 6-cı sahəsində (Heydər Əliyev adına BNEZ-nin 9-cu sexinin ərazisi) qurğunun istismara buraxılması istiqamətində  hazırlıq işləri görülür. Qurğunun səmərəli istismarının təmin edilməsi və düzgün idarə olunması məqsədilə  ikitərəfli əməkdaşlıq əlaqələri genişləndirilir.

     Qurğunun istismara verilməsi ilə əlaqədar, noyabrın 6-da "Alfa-Laval" şirkətinin mütəxəssisləri QSC-nin Tullantıların Emalı Departamentinin rəhbər və mühəndis-texniki işçiləri ilə treninq          keçirmişlər. Treninqdə iştirakçılara FOX-15 qurğusunun texniki xarakteristikası, iş prinsipi,  eləcə də  istismar və profilaktiki texniki xidmət qaydaları haqqında geniş izah  verilmiş, elektron məlumatlar təqdim olunmuşdur.  Mövzu  ətrafında geniş müzakirələr aparılmış və sual doğuran məsələlərə aydınlıq gətirilmişdir.

   "Ekol Mühəndislik Xidmətləri" QSC-nin "Alfa-Laval" şirkəti ilə əməkdaşlığı davam etdirilir.