Müasir texnika və texnologiyalardan istifadə etməklə Avropada ətraf mühitin mühafizəsi və tullantıların emalı sahəsində mühüm layihələr həyata keçirən İtaliyanın RİCCOBONİ şirkəti noyabrın 14-də QSC-nin baş ofisində "Lay sularının təmizlənməsi " mövzusunda prezentasiya keçirmişdir.
Təqdimatda "Ekol Mühəndislik Xidmətləri" QSC-nin baş direktorunun istehsalat üzrə müavini-Texniki direktor Məzahir Hüseynov, SƏTƏM üzrə müavini Rəşad İsmayılov, əlaqədar şöbə rəisləri və RİCCOBONİ şirkətinin baş icraçı direktoru Marco Riccoboni, baş maliyyə direktoru Angelo Riccoboni, şirkətin Azərbaycan Respublikası üzrə meneceri Murad Əlizadə, həmçinin şirkətin baş mühəndisi Lorenzo Bracceschi və Beleau Wood Group şirkətinin baş icraçı direktoru Patrick Campos iştirak etmişlər.
RİCCOBONİ şirkəti "Ekol Mühəndislik Xidmətləri" QSC-nin " Suraxanı OYL Opereyşn Kompani S.A." Şirkətinin Azərbaycan Respublikasındakı Nümayəndəliyinin, " Balakhanı Opereting Company LTD" Şirkətinin Azərbaycan Respublikasındakı filialının və "AzGerneft" MMC-nin mədən ərazilərindəki lay sularından götürülmüş nümunələrinin analitik təhlilləri əsasında hazırlanmış elektron məlumatları, təmizləyici qurğular sistemini və texnoloji prosesləri iştirakçılara təqdim etmişdir.
Böyük maraqla dinlənilən prezentasiya geniş müzakirələrlə davam etmiş, iştirakçıların çoxsaylı suallarına ətraflı cavablar verilmişdir. Bununla yanaşı, tədbir iştirakçıları texnoloji qurğuların ərazi üzrə yerləşdirilməsi, bir sıra texniki və maliyyə, eləcə də lay sularının təmizlənməsi proseslərindən alınan iri həcmdə duz kütləsinin idarə olunması məsələlərinin araşdırılmasına ehtiyac olduğunu xüsusilə qeyd etmişlər.
QSC-nin baş direktorunun müavini Məzahir Hüseynov maraqlı təqdimat üçün RİCCOBONİ şirkətinin nümayəndəliyinə öz minnətdarlığını bildirmiş və bu tip texnologiyanın sənaye -çirkab suları üçün də məqsədəuyğunluğunu qeyd etmişdir. O, qonaqları QSC-nin Kompleks Tədqiqatlar Laborartoriyası və təmizləyici qurğuları ilə tanış olmağa dəvət etmişdir.
tarix : 14.11.2013
|