Azərbaycan Respublikası  Ekologiya və Təbii Sərvətlər Nazirliyinin  və IDEA İnternational Dialogue for Environmental Action dəstəyi, eləcə də  “Iteca" şirkətinin təşkilatçılığı ilə “Bakı Ekspo Mərkəzi" də keçirilən və noyabrın 20-dən başlayaraq üç gün davam edən   “Xəzər: Ətraf Mühit üçün Texnologiyalar” (CTE) 4-cü Beynəlxalq Ətraf  Mühit Sərgisi  bu gün öz işini uğurla başa vurmuşdur.

      Ətraf mühitin mühafizəsi sahəsində dünyanın 58-dən çox tanınmış şirkətlərinin qatıldığı sərgidə  biznesin Azərbaycanda inkişafı üçün əlverişli vasitə olmaqla yanaşı yeni tərəfdaş axtarışı, bazarın təhlili və iştirakçılarla  effektiv iş aparmaq üçün münbit şərait yaradılmışdır.

      Sərgidə iştirak edən “Ekol Mühəndislik Xidmətləri” QSC də  üç gün müddətində maraqlı stendi ilə  ziyarətçilərin  diqqətini cəlb etməklə yanaşı, ətraf mühitin mühafizəsi sahəsində özünə maraqlı tərəfdaşlar tapmış, analoji şirkətlərin nümayəndələri ilə ətraflı fikir mübadiləsi aparılmışdır. Bu görüşlər ümumi işin xeyrinə olmaqla yanaşı gələcək əməkdaşlıq əlaqələri üçün də zəmin yaratmışdır.

    Sonda sərgi təşkilatçıları tərəfindən iştirakçılara  və ətraf mühitin mühafizəsi sahəsində məqsədyönlü fəaliyyət göstərən bir sıra şirkətlərə sertifikatlar təqdim olunmuşdur.

tarix : 22.11.2013