Xidmətlərimiz
|
|
|
|
"Ekol Mühəndislik Xidmətləri" QSC-də çalışan işçilərin tibbi müayinəsi davam edir
|
İşçi personalın sağlamlığının qorunması, texniki təhlükəsizliyinin təmin edilməsi, iş şəraitlərinin yaxşılaşdırılması və onların sosial problemlərinin həlli "Ekol Mühəndislik Xidmətləri" QSC-nin fəaliyyətinin əsas istiqamətlərindən biridir. Bu sahədə ardıcıl məqsədyönlü tədbirlər həyata keçirilir. Tədbirlər sırasında işçilərin sağlamlığının qorunması və peşə xəstəliklərinin qarşısının vaxtında alınması məqsədilə, müəssisənin maliyyə vəsaiti hesabına işçi personalının ildə bir dəfə tibbi müayinədən keçirilməsinə xüsusi önəm verilir.
Bununla əlaqədar olaraq, QSC ilə MODERN HOSPİTAL klinikası arasında müvafiq müqavilə imzalanmış və bu müqaviləyə əsasən işçi personalı ildə bir dəfə bu klinikada tibbi müayinədən (Check Up) keçirilir. Eyni zamanda, QSC-nin Meqa Sığorta Şirkəti ilə olan müqaviləsi ilə işçilər tibbi sığorta ilə də təmin olunmuşlar.
Ənənəvi olaraq 2013-cü ilin noyabr ayının 1-dən başlayaraq QSC-də çalışan işçilərin MODERN HOSPİTAL-da növbəti tibbi müayinəsinə başlanılmış və bu müddət ərzində 250 nəfərdən çox işçi personalı tibbi müayinədən keçmişdir. Tibbi müayinədən keçmiş işçilər zəruri hallarda MODERN HOSPİTAL-da, o cümlədən respublikamızda fəaliyyət göstərən bir çox müasir klinikalarda ödənişsiz müalicə kurslarına cəlb olunmuş və lazımı dərman preparatları ilə təmin edilmişlər.
Hazırda istehsalat proseslərinin fasiləsizliyi təmin edilməklə, növbə ilə digər işçilərin də müayinədən keçmələri davam etdirilir. Tibbi müayinənin dekabrın sonunda başa çatdırılması nəzərdə tutulmuşdur.
tarix : 27.11.2013
|
|
|
|
|
|
|