|
Təsdiq olunmuş proqrama əsasən 26.11.2013-05.12.2013 tarixdə “Ekol Mühəndislik Xidmətləri” QSC-nin bütün struktur bölmələrinin işçi personalına maarifləndirmə keçirilməsi nəzərdə tutulmuşdur. Maarifləndirmənin əsas məqsədi QSC-də olan peşələr üzrə hazırlanmış əməyin mühafizəsi və texniki təhlükəsizlik təlimatlarının tələbləri, elektrik təhlükəsizliyi və fərdi mühafizə vasitələrindən istifadə təlimatları barədə işçi personala məlumatların verilməsi ilə onların bu sahədə bilik səviyyələrinin artırılmasından ibarətdir.
Noyabrın 26-da QSC-nin O.Vəliyev-1 ünvandakı MM kabinetində maarifləndirmə proqramının icrasına başlanılmışdır. Mövzu ətrafında çıxışları Ekoloji Monitorinq Departamentinin (EMD) rəis müavini Natella Şəfiyeva və Texniki təhlükəsizlik şöbəsinin rəisi Səbuhi Veysəlov çıxış edərək mövzular barədə geniş məlumatlar vermiş, iştirakçıların verdikləri suallar ətraflı izah edilmişdir. EMD-nin ekoloqu Ceyhun Əsgərovun mövzulara uyğun hazırladığı video-çarxlar maarifləndirməni daha da maraqlı etmişdir.
Sonda hər bir iştirakçı ilə ayrıca testlər keçirilmişdir ki, bu da onların mövzuları daha da dərindən mənimsəmələrinə şərait yaratmışdır. Maarifləndirmə tədbirləri davam edir.
tarix : 29.11.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
