2013-cü ilin IV rübündə  QSC-nin O.Vəliyev-1 ünvanda yerləşən  TED-nin 6-cı sahəsində ( Heydər Əliyev adına BNEZ-nun 9-cu sexinin ərazisi) elektrik şəbəkəsi sistemində aparılmış əsaslı yenidənqurma işləri də görülən  tədbirlərin məntiqi davamıdır. Cari rübdə "QAFQAZENERQOSERVİS" şirkəti  tərəfindən TED-nin 6-cı sahəsindəki 55 saylı yarımstansiyasında, həmçinin 1-ci və 2-ci sənaye axarlarının  EPQ-da (Elektrik paylayıcı qurğular)  yenidənqurma işləri həyata keçirilmiş, uzun illər istismarda olan yararsız avadanlıqlar müasir tipli avadanlıqlarla əvəz olunmuşdur. Artıq  yenidənqurma işləri başa çatdırılmış,  55 saylı yarımstansiya və EPQ istismara verilmiş, nəticədə TED-nin 6-cı sahəsinin elektrik təchizatı daha da yaxşılaşmışdır.
     Hazırda QSC-nin Elektromexanika sexi və İnzibati təsərrüfat şöbəsi  yarımstansiyanın yardımçı binasında abadlıq işlərini yerinə yetirirlər. Yenidənqurma işlərinin QSC-nin digər fəaliyyət sahələrində də yerinə yetirilməsi nəzərdə tutulmuşdur.