"Ekol Mühəndislik Xidmətləri" QSC-də tullantıların  emalı və təmizlənməsi texnologiyalarının təkmilləşdirilməsi və yeni müasir tipli qurğularla  texniki parkın genişləndirilməsi  sahəsində məqsədli tədbirlər davam etdirilir.  Hazırda QSC-nin xidmət sahələrində  İsveçrənin "Alfa-Laval" şirkətinin istehsalı olan modul dekantor  və  İtaliyanın  "Pieralisi" şirkətinin  istehsalı olan modul trikantor qurğuları müvəffəqiyyətlə    istismar edilir. Cari ildə QSC-nin texniki parkına  dekantor  qurğusundan çıxan  maye qarışığını  üç fazaya;  neft məhsulu, su və mexaniki qarışığa ayıran, İsveçrənin "Alfa-Laval" şirkətinin istehsalı olan  yeni  FOX-15 separator qurğusu da əlavə edilmişdir.

      İstismarda olan bu qurğulara  müntəzəm olaraq profilaktiki texniki xidmətlərin  göstərilməsinə, ətraf təsirlərdən mühafizəsinə və istismar müddətinin artırılmasına   isə xüsusi diqqət yetirilir. Yeni FOX-15 separator qurğusunun da yağışdan və gün şüalarından qorunması, eləcə də istismar şəraitini yaxşılaşdırılması  məqsədilə  qurğunun üzərində çardağın  quraşdırılmasına  başlanılmışdır. Hazırda  çardağın qış mövsümünədək  quraşdırılıb başa çatdırılması istiqamətində zəruri tədbirlər həyata keçirilir.

       Qeyd edək ki, FOX-15 separator qurğusunun qısa zamanda istismara verilməsi nəzərdə tutulmuşdur.

tarix : 05.12.2013