"Ekol Mühəndislik Xidmətləri" QSC-nin bütün xidmət  sahələrində "Qışa Hazırlıq  Tədbirlər Planı"-da nəzərdə tutulmuş  işlər yüksək səviyyədə  həyata keçirilir.  "Tədbirlər Planı"nın  icrası ilə əlaqədar olaraq, ilk növbədə fasiləsiz rejimdə işləyən QSC-nin Tullantıların Emalı Departamentini xidmət sahələrində ötürücü boru xətlərinin və siyirtmələrin izolyasiyası, mexaniki təmizləyici qurğularda isə profilaktiki təmir işləri  başa çatdırılmışdır. İnzibati binaların fasad və dam örtüyündə, iş otaqlarında, nasosxanalarda və əməliyyatçı otaqlarında cari və əsaslı təmir işləri yerinə yetirilmiş, qış fəslində baş verə biləcək fövqəladə halların qarşısının alınması üçün qabaqlayıcı tədbirlər görülmüşdür.

     Nəqliyyat sexində də qışa hazırlıqla əlaqədar məqsədli işlər yerinə yetirilmişdir. Nəqliyyat vasitələrinin və xüsusi texnikanın qış rejimində işləməsi üçün yağlar, antfristlər və şinlər dəyişdirilmiş   xüsusi texnika hazırlıq vəziyyətinə  gətirilmişdir.
     Elektromexanika sexinin kollektivi də QSC-nin  elektrik təsərrüfatında, istilik sistemlərində və təmizləyici qurğularda "Tədbirlər Planı" da nəzərdə tutulmuş işləri tələb olunan səviyyədə   yerinə  yetirmişlər. Xidmət sahələrində çalışan işçilər xüsusi qış geyimləri və fərdi mühafizə vasitələri ilə təmin edilmişlər. Hazırda QSC-nin xidmət sahələrində qışa hazırlıq tədbirləri və abadlıq işləri davam etdirilir.
      Həyata keçirilmiş məqsədyönlü tədbirləri nəzərə alaraq  əminliklə demək  olar ki,  "Ekol Mühəndislik Xidmətləri" QSC qış mövsümünə tam hazırdır.
   

tarix : 06.12.2013