"Ekol Mühəndislik Xidmətləri " QSC 2010-cu ildən icrasına başladığı, Bakı Ağ Şəhər layihəsi ərazisində olan Heydər Əliyev adına BNEZ-nun və "Azərneftyağ" NEZ-nun köhnə sənaye obyektlərindən neftşlamın və neftlə çirklənmiş torpaqların daşınması və sənaye-çirkab, axıntı sularının nəqli layihələrinin icrasını təqvim planına uyğun olaraq uğurla davam etdirir.
QSC-nin Torpaqların Rekultivasiyası Departamenti tərəfindən oktyabr ayında layihə ərazisindən 108 min 796 m3, noyabr ayında 127 min 764 m3, dekabr ayında isə (1-10 dekabr) 47 min 762 m3 neftlə çirklənmiş torpaq daşınmış, Tullantıların Emalı Departamenti isə ərazidən 7 min 950 m3-dən çox sənaye-çirkab, axıntı sularını nəql etmişdir. 2010-2013-cü illərdə ARDNŞ-nin Heydər Əliyev adına BNEZ və "Azərneftyağ" NEZ-nın Bakı Ağ Şəhər layihəsi ərazisindəki köhnə sənaye obyektlərindən 56 min 261 m3-dən çox neftşlam, 2 milyon 424 min 948 m3-ə qədər neftlə çirklənmiş torpaq daşınmış, 285 min 165 m3 -dən çox sənaye-çirkab, axıntı suları nəql edilmişdir. Layihənin icrası davam etdirilir.
tarix : 10.12.2013
|