Artıq 10 ildir ki, Azərbaycan xalqı hər ilin 12 dekabrında ümummilli lider, müstəqil Azərbaycan Respublikasının memarı Heydər Əliyevin anım gününü böyük ehtiramla yad edirlər. Əbədiyyətə qovuşmuş, xalqımızın yaddaşında dərin iz buraxmış bu dahi tarixi şəxsiyyətin əziz xatirəsi böyük məhəbbətlə anılır və bu münasibətlə tədbirlər keçirilir.
2013-cü ildə də dekabrın 10-dan başlayaraq, ulu öndər Heydər Əliyevin vəfatının 10-cu ildönümü ilə əlaqədar dövlət qurumları, siyasi partiyalar, qeyri-hökumət təşkilatları, ictimaiyyətin nümayəndələri ulu öndərin Fəxri Xiyabandakı məzarını ziyarət edir və anım mərasimləri təşkil olunur. Ulu öndərin vəfatının 10-cu ildönümü ilə əlaqədar “ Ekol Mühəndislik Xidmətləri ” QSC-nin nümayəndələri də ARDNŞ-nin çoxsaylı kollektivinə qatılmış, ziyarətdə iştirak edərək ümummilli liderin abidəsi önünə tər çiçəklər düzmüş və onun əziz xatirəsini bir dəqiqəlik sükutla yad etmişlər. Sonra anım tədbirləri QSC- nin baş ofisində, toplantının keçirilməsi ilə davam etmişdir. Toplantıda QSC-nin baş direktoru Ramil Əliyev, baş direktorun SƏTƏM üzrə müavinin Rəşad İsmayılov, YAP “Ekol” ilk ərazi təşkilatının sədri Fəxrəddin Quliyev, 70-ci illərdə neft emalı zavodunun direktoru, sonradan Neft – Kimya Sənayesi naziri vəzifələrində işləmiş, hazırda baş direktorun məsləhətçisi vəzifəsində çalışan Kamil Akimov çıxış etmişlər. Natiqlər Heydər Əliyevin həyat və fəaliyyətinin əsas məqamlarından, eləcə də onun xalq və dövlət qarşısındakı titanik xidmətlərindən danışmışlar. Qeyd olunmuşdur ki, ümummilli liderin şah əsəri olan Azərbaycan bu gün Heydər Əliyevin ideyaları altında dinamik inkişaf yolu ilə gedir. Ulu öndərin layiqli davamçısı, möhtərəm prezidentimiz İlham Əliyevin cənablarının yürütdüyü məqsədyönlü siyasət nəticəsində respublikamızda milli iqtisadiyyatımızın qeyri neft sektorunun inkişafı üçün əlverişli şərait yaradılmışdır. Çıxış edənlər inamla bildirmişlər ki, dünya miqyasında müstəqil Azərbaycandan danışanda həmişə onun qurucusu Heydər Əliyev anılır və adı uca tutulur. Odur ki, ulu öndər Azərbaycan xalqının qəlbində əbədi yaşayacaqdır. Toplantıda Heydər Əliyevin həyat və fəaliyyətini əks etdirən video çarx nümayiş olunmuş, onun əziz xatirəsi bir dəqiqəlik sükutla yad edilmişdir.
tarix : 12.12.2013
|