|
Xidmətlərimiz
|
|
|
|
“Ekol Mühəndislik Xidmətləri” QSC-nin fəaliyyətinin prioritet istiqamətlərindən biri də yaşıllıqlara aqrotexniki xidmətlərin göstərilməsidir
|
|
ARDNŞ-nin fəaliyyət sahələrində ekoloji problemlərin həlli və ətraf mühitin mühafizəsi sahəsində təsdiq etdiyi kompleks tədbirlər planı yüksək templə həyata keçirilir. Bu tədbirlər çərçivəsində neft-qaz sənayesi sahələrində yaşıllıqların salınması və inkişaf etdirilməsi də xüsusi əhəmiyyət kəsb edir.
Kompleks tədbirlər planının icrasında yaxından iştirak edən “Ekol Mühəndislik Xidmətləri” QSC də reabilitasiya olunmuş mədən ərazilərində yaşıllıqların salınması və bitkilərə aqrotexniki xidmətlərin göstərilməsini fəaliyyətinin prioritet istiqamətlərindən biri kimi müəyyən etmişdir.
Hazırda QSC-nin Torpaqların Rekultivasiyası Departamentinin əməkçiləri ARDNŞ-nin Qaz Emalı Zavodunun ərazisində 8 890 ədəd, "Azneft" İB-nin "Abşeronneft" NQÇİ-nin mədən ərazisində 13 000 ədəd, "BibiHeybətneft" NQÇİ-nin mədən ərazisində 50 892 ədəd, H.Z.Tağıyev adına NQÇİ-nin mədən ərazilərində isə 5 044 ədəd müxtəlif növ ağaca və bəzək kollarına yüksək səviyyədə aqrotexniki xidmətlər göstərirlər. Payız-qış mövsümü ilə əlaqədar sahələrdə budama işləri başa çatdırılmış, digər aqrotexniki tədbirlər isə davam etdirilir.
Bununla yanaşı, “Ekol Mühəndislik Xidmətləri” QSC "Azneft" İB ilə birgə yaşıllıq sahələrinin genişləndirilməsi və bərpası istiqamətində də məqsədli tədbirlər həyata keçirir. Bu mövsümdə "Abşeronneft" NQÇİ-nin mədən ərazisində əlavə 1 200 ədəd müxtəlif növ ağacların əkilməsi üçün hazırlıq işlərinə başlanmışdır.
Cari ildə QSC-nin "BibiHeybətneft" NQÇİ-nin mədən ərazisində istifadəyə verdiyi istixana da artıq öz müsbət nəticələrini vermişdir. Bu istixanada müxtəlif növ ağac və bəzək kollarının tingləri yetişdirilir. 2013-cü ildə yaşıllıqların bərpası məqsədilə bu istixanada yetişdirilmiş 10 mindən çox tingdən istifadə olunmuşdur. Hazırda istixananın məhsuldarlığının daha da artırılması istiqamətində zəruri tədbirlər həyata keçirilir.
“Ekol Mühəndislik Xidmətləri” QSC ARDNŞ-nin fəaliyyət sahələrində ekoloji vəziyyətin yaxşılaşdırılmasında mühüm rol oynayan yaşıllıqların salınması və bitkilərə yüksək səviyyəli aqrotexniki xidmətlərin göstərilməsi sahəsində məqsədyönlü fəaliyyətini davam etdirir.
tarix : 19.12.2013
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
