Bu tədbirlərin  həyata keçirilməsində  QSC-nin  İnzibati  Təsərrüfat  Şöbəsinin (İTŞ) kollektivinin əməyi xüsusilə təqdirəlayiqdir. Ötən illərdə  olduğu kimi 2013-cü ildə də  İTŞ-nin əməkçiləri QSC-nin  baş ofisində, eləcə də O.Vəliyev 1 ünvanda və "Azərneftyağ" NEZ-nun ərazisində yerləşən xidmət sahələrində  təmir-tikinti, abadlıq və yaşıllaşdırma  işlərini keyfiyyətlə yerinə yetirmişlər. 

      Cari ildə, İTŞ tərəfindən QSC-nin Tullantıların Emalı Departamentinin (TED)  6-cı sahəsindəki (H. Əliyev adına BNEZ-nun 9-cu sexinin ərazisi)  qazanxanalarda və  55 saylı yarımstansiya binasında cari təmir işləri aparılmış,  "Qışa hazırlıq tədbirlər planı" da nəzərdə tutulmuş işlər operativ olaraq icra edilmişdir. İl ərzində TED-nin 7-ci sahəsində də ("Azərneftyağ" NEZ-nun ərazisi)   bir sıra cari təmir və  abadlıq işləri  yerinə yetirilmişdir.  

      2013-cü ildə  İTŞ QSC-nin xidmət sahələrinin yaşıllaşdırılmasına da xüsusi önəm vermişdir.  Yaşıllıq sahələrinin genişləndirilməsi  və mövcud yaşıllıqlara aqrotexniki xidmətlərin göstərilməsi istiqamətdə əsaslı  işlər görülmüşdür. Bununla yanaşı, İTŞ-nin dülgər sexində 5 minə  qədər dayaqlar hazırlanmış və  istifadə üçün QSC-nin Torpaqların Rekultivasiyası Departamentinə təhvil verilmişdir.

      Hazırda  İTŞ-nin  kollektivi    xidmət  sahələrinin   abadlaşdırılması  və yaşıllaşdırılması sahəsində məqsədyönlü fəaliyyətini davam etdirir.