|
ARDNŞ öz fəaliyyət sahələrində ekoloji vəziyyətin yaxşılaşdırılmasına yönəldilmiş tədbirlər çərçivəsində neftlə çirklənmiş torpaqların təmizlənməsinə və reabilitasiya olunmuş ərazilərin yaşıllaşdırılmasına xüsusi önəm verir və bu istiqamətdə ardıcıl tədbirlər həyata keçirir. 2013-cü ildə də bu sahədə bir sıra prioritet layihələr icra olunmuşdur. Bu layihələrin icrası isə əsasən "Ekol Mühəndislik Xidmətləri" QSC-nin Torpaqların Rekultivasiyası Departamenti (TRD) tərəfindən həyata keçirilmişdir.
QSC-nin TRD ötən illərdə olduğu kimi 2013-cü ildə də ARDNŞ-nin "Azneft" İB-nin neftqazçıxarma idarələrinin reabilitasiya olunmuş mədən ərazilərindəki yaşıllıq sahələrinin genişləndirilməsi və bitkilərə aqrotexniki xidmətlərin göstərilməsi işlərini yüksək səviyyədə yerinə yetirmişdir. Ötən il "BibiHeybətneft" NQÇİ-nin mədən ərazisində 1 min 359 ədəd, "Abşeronneft" NQÇİ-nin mədən ərazisində 2 min 200 ədəd, TRD-nin inzibati binasının ərazisində (A-4, Zığ sahəsi) 362 ədəd müxtəlif növ ağac və bəzək kolları əkilmiş, bitkilərin normal inkişafı üçün bütün aqrotexniki tədbirlər həyata keçirilmişdir.
Hazırda TRD ARDNŞ-nin Qaz Emalı Zavodunun ərazisində 8 min 890 ədəd, "Azneft" İB-nin "BibiHeybətneft" NQÇİ-nin mədən ərazisində 50 min 892 ədəd, "Abşeronneft" NQÇİ-nin mədən ərazisində 14 min 200 ədəd, H.Z.Tağıyev adına NQÇİ-nin mədən ərazisində 5 min 44 ədəd, TRD-nin inzibati binasının ərazisində (A-4, Zığ sahəsi) isə 2 min 582 ədəd (ümumilikdə 81 min 608 ədəd) müxtəlif növ ağac və bəzək kollarına aqrotexniki xidmətlər göstərir. Ötən ilin yaz, payız və qış mövsümlərində xidmət göstərilən yaşıllıq sahələrindəki bitkilər lazım olan ehtiyat qida maddələri, üzvi və mineral gübrələr, münbit torpaq, peyin və su ilə mütəmadi olaraq təmin olunmuş, budanmış, quruyan ağaclar yenisi ilə əvəz olunmuşdur.
2012-ci ildə QSC-nin "BibiHeybətneft" NQÇİ-nin mədən ərazisində inşa edib istifadəyə verdiyi 300 m2-lik yeni istixana kompleksi də öz səmərəsini vermişdir. Ötən il bu istixanada yetişdirilmiş minlərlə müxtəlif bitki növləri (həmişəyaşıl oleyandr, sərv, şərq tuyası, tək göz evkalipt, milesiya, tut və s.) yaşıllıqların bərpası üçün istifadə olunmuşdur.
2013-cü ildə TRD Heydər Əliyev adına BNEZ-nun və "Azərneftyağ" NEZ-nun Bakı Ağ Şəhər layihəsi ərazisindəki köhnə istehsalat sahələrindən neftlə çirklənmiş torpaqların daşınması layihəsini də uğurla davam etdirmişdir. İl ərzində ərazidən 1 milyon 193 min m3-dək neftlə çirklənmiş torpaq daşınmışdır. Hazırda layihənin icrası davam etdirilir.
"Ekol Mühəndislik Xidmətləri" QSC-nin Torpaqların Rekultivasiyası Departamenti ARDNŞ-nin fəaliyyət sahələrində ekoloji vəziyyətin yaxşılaşdırılması istiqamətində məqsədyönlü fəaliyyətini davam etdirir.
tarix : 13.01.2014
|
ana səhifə
Satınalma
əlaqə
Futzal
Alternativ Enerji
Bu maraqlıdır
