"Ekol Mühəndislik Xidmətləri" QSC-nin fəaliyyət sahələrində texniki təhlükəsizliyin təmin edilməsi və əməyin mühafizəsi sahəsində Texniki təhlükləsizlik şöbəsi 2013-cü ildə də operativ fəaliyyət göstərmiş, beynəlxalq standartların və normativ sənədlərin tələblərinə yüksək səviyyədə əməl edilmişdir.
Texniki təhlükəsizlik şöbəsinin məqsədyönlü fəaliyyəti nəticəsində, 2013-cü ildə QSC-nin xidmət sahələrində çalışan və bütün kateqoriyalardan olan işçilər əməyin mühafizəsi, texniki təhlükəsizlik və yanğından mühafizə üzrə biliklərin yoxlanılması imtahanından keçirilmiş, 12 nəfər mühəndis-texniki və fəhlə kateqoriyalı işçilərdən ilk tibbi yardım üzrə kurslara cəlb edilmişdir. Tullantıların Emalı Departamentinin (TED) istehsalat sahələrinin, Elektromexanika sexinin, Nəqliyyat sexinin, İnzibati təsərrüfat şöbəsinin işçilərinə ilkin yanğınsöndürmə vasitələrindən istifadə qaydaları mövzusunda nəzəri və praktiki məşğələlər keçirilmişdir. Bu məşğələlərdə FHN-nin ərazi üzrə nümayəndələri də iştirak etmişlər. Ötən ilin hər ayında qazanxanalarda olan qaz boru xətlərinin kipliyi yoxlanılmış və aktlaşdırılmışdır. İstifadə müddəti bitməmiş, istehsalat prosesi zamanı yararsız hala düşmüş, fərdi mühafizə vasitələri müvafiq komissiya tərəfindən aktlaşdırılaraq yenisi ilə əvəz olunması təmin edilmişdir. QSC-nin fəaliyyət sahələri sarğı və dərman vasitələri ilə təmin olunmuşdur. Hər rübdə yanğın texniki komissiyanın iclası keçirilmiş, sahələrdə olan yanğına qarşı vəziyyət müzakirə olunmuş, aşkarlanmış uyğunsuzluqlar akt və protokollarda öz əksini tapmışdır. 2013-cü ildə Texniki təhlükəsizlik şöbəsi tərəfindən Mülki Müdafiə üzrə Nizami rayon MM şöbəsinin təsdiq etdiyi qrafikə uyğun olaraq MM qüvvələrinə dərslər keçirilmişdir. 1 mart Ümumdünya Mülki Müdafiə günü qeyd edilmiş və rəhbər heyəti tədbirdə iştirak etmişdir. Şöbə tərəfindəın qəzanın ləğvetmə planı hazırlanmış və qrafikə uyğun keçirilmiş dərslərdə işçilərə qəza hallarında davranış qaydaları və qəzanın planlı surətdə aradan qaldırılması haqqında məlumatlar verilmişdir. TED-nin istehsalat sahələrinin və Elektromexanika sexinin işçilərinə il ərzində qəzanın ləğvetmə planına uyğun olaraq praktik məşğələlər keçirilmişdir. Ötən ilin istirahət və bayram günlərində işlərin təhlükəsiz aparılmasına nəzarət məqsədi ilə gücləndirilmiş iş rejiminə keçilmiş və işçilərin növbətçiliyə cəlb olunması məqsədi ilə müvafiq qrafiklər hazırlanmışdır. Qış və yay mövsümünə uyğun görüləcək işlərin tədbirlər planı hazırlanmış və icrası nəzarətə götürülmüşdür. Şöbənin həyata keçirdiyi məqsədyönlü tədbirlər nəticəsində 2013-cü ildə istehsalatda heç bir qəza halları baş verməmişdir. İl ərzində əməyin mühafizəsi üzrə materiallar toplanmış, təsdiq olunmuş qrafikinə uyğun olaraq işçi personala dərslər və prezentasiyalar, eləcə də ”Elektrik təhlükəsizliyi qaydaları” mövzusunda maarifləndirmə tədbirləri keçirilmişdir. OHSAS-18001 tələblərinə uyğun olaraq sex və sahələrdə auditlər aparılmış, aşkar olunmuş uyğunsuzluqların aradan qaldırılması məqsədilə müvafiq tədbirlər görülmüşdür. Yeni işə qəbul olunmuş işçilərə giriş təlimatları verilmiş və şəxsi kartoçkalar tərtib edilmişdir. İstehsalat sahələrində təhlükəsizlik texnikası və yanğın təhlükəsizliyi üzrə müvafiq reydlər aparılmış, aşkarlanmış uyğunsuzluqlar qeydə alınmışdır. Tələb olunan ümumi təhlükəsizlik plakatlarının alınması üçün sifariş verilmiş və aidiyyatı üzrə təmin edilmişdr. QSC-də çalışan işçilər yay və qış fərdi mühafizə vasitələri ilə təmin olunmuş, həmçinin sahələrdə istifadəyə yararsız odsöndürən balonlar yeniləri ilə əvəz edilmişdir. QSC-nin O.Vəliyev ünvanında yerləşən fəaliyyət sahələrinin inzibati binaları və məişət korpusları ”Safe Life” şirkəti tərəfindən xüsusi yanğın xəbərdaredici siqnalizasiya sistemi ilə, tabeçilikdə olan xüsusi texnika və nəqliyyat vasitələri isə yanğın təhlükəsizliyi qaydalarına uyğun olaraq qığılcım borucuqlarla təmin olunmuşdur. Ötən il şöbə tərəfindən mütəmadi olaraq "AAS-EKOL" MMC-dən qəbul olunmuş tullantıların qeydiyyatı aparılmış, aylıq və illik hesabatın hazırlanması həyata keçirilmişdir. Texniki təhlükəsizlik şöbəsi QSC-nin xidmət sahələrinin texniki təhlükəsizliyinin beynəlxalq standartlar səviyyəsində təmin edilməsi, əməyin mühafizəsi və qəza hallarının qarşısının alınması istiqamətində fəaliyyətini davam etdirir.
tarix : 24.01.2014
|