|
ARDNŞ-nin fəaliyyət sahələrində neftlə çirklənmiş torpaqların və sənaye-çirkab, axıntı sularının təmizlənməsi, neftşlamın emalı və zərərsizləşdirilməsi, reabilitasiya olunmuş mədən ərazilərində yaşıllıqların salınması və bitkilərə aqrotexniki xidmətlərin göstərilməsi kimi prioritet ekoloji layihələr icra etməklə yanaşı, “Ekol Mühəndislik Xidmətləri” QSC bu yönümdə digər xidmət sahələrində də zəruri tədbirlər həyata keçirir.
QSC-nin xidmət sahələrində texnoloji proseslərin təkmilləşdirilməsi, yeni texnika və texnologiyaların tətbiq edilməsi ilə yanaşı, ekoloji vəziyyətin yaxşılaşdırılmasında mühüm əhəmiyyət kəsb edən yaşıllaşdırma tədbirlərinə də xüsusi diqqət yetirilir. Bununla əlaqədar olaraq, QSC-nin O.Vəliyev-1 ünvanda yerləşən ( Heydər Əliyev adına BNEZ-nin 9-cu sexinin ərazisi) xidmət sahələrində, eləcə də Zığ qəsəbəsi, Hövsan yolu ünvanda yerləşən Torpaqların Rekultivasiyası Departamentinin inzibati binasının ərazisində minlərlə ağac, gül və bəzək kolları əkilmiş və yaşıllıq sahələri kifayət qədər genişləndirilmişdir. Bu istiqamətdə məqsədyönlü tədbirlər hazırda da davam etdirilir. Yaşıllıq sahələrinin salınması və bitkilərə aqrotexniki xidmətlərin göstərilməsi üçün təcrübəli mütəxəssislər, aqronomlar, bağbanlar cəlb edilmişdir.
QSC-nin xidmət sahələrinin yaşıllaşdırılması, bu sahələrdə müxtəlif növ ağac və bəzək kollarının əkilərək becərilməsi ərazinin mikroiqliminə, atmosferə atılan zərərli tullantıların azaldılmasına, həmçinin burada çalışan işçilərin sağlamlıqlarına və iş qabiliyyətlərinin artmasına öz müsbət təsirini göstərmişdir.
Ekoloji vəziyyətin yaxşılaşdırılmasında yaşıllaşdırmanın əsas amillərdən olduğunu nəzərə alan “Ekol Mühəndislik Xidmətləri” QSC istər layihə ərazilərində, istərsə də digər xidmət sahələrində yaşıllıqların salınması və genişləndirilməsi istiqamətində tədbirləri davam etdirir.
tarix : 30.01.2014
|
ana səhifə
Satınalma
əlaqə
Futzal
Alternativ Enerji
Bu maraqlıdır
