"Ekol Mühəndislik Xidmətləri" QSC ekoloji yönümlü layihələr icra etməklə yanaşı, ətraf mühitin mühafizəsinə də xüsusi diqqət yetirir və bu sahədə müvafiq tədbirlər görülür. Ötən illərdə olduğu kimi, 2013-cü ildə də QSC-nin xidmət sahələrində formalaşan müxtəlif növ tullantıların idarə olunması, Azərbaycan Respublikası Dövlət Neft Şirkətinin 02.04.2010-cu il tarixli, 45 saylı əmri ilə təsdiq edilmiş “Tullantıların İdarə Olunması Planı”na və beynəlxalq standartların tələblərinə uyğun olaraq həyata keçirilmişdir.
Ötən il QSC-də formalaşan 1846 m3 kanalizasiya suyu müqaviləyə əsasən "Azərsu" ASC-nə, 22 tona qədər bərk tullantılar BMKTD-nə, 2 tondan artıq xüsusi tullantılar isə (avtomobil şinləri və müxtəlif rezin tullantıları, akkumulyatorlar və qalvanik elementlər, yanacaq və yağ süzgəcləri, lüminessensiya lampaları, məişət elektrik cihazları, katriclər və tonerlər, faks və telefon aparatları və s.) müvafiq qaydada ARDNŞ-nin Ekologiya İdarəsinin "Tullantı mərkəzi"nə təhvil verilmişdir. "Ekol Mühəndislik Xidmətləri" QSC xidmət sahələrində formalaşan tullantıların beynəlxalq standartların tələbləri səviyyəsində idarə olunması üçün məqsədyönlü tədbirlər həyata keçirir.
tarix : 07.02.2014
|