TRD-nin aqrotexniki xidmətlər göstərdiyi yaşıllıq sahələrində qış mövsümü ilə əlaqədar, bitkilərə üzvü və qeyri-üzvü gübrələr verilmiş və dayaqların bərkidilməsi işləri yerinə yetirilmişdir. Bununla yanaşı, şaxtalı günlərdə donvurmanın qarşısının alınması məqsədilə qabaqlayıcı tədbirlərin görülməsi də nəzərdə tutulmuşdur. QSC-nin istixanasında yaz mövsümündə yaşıllıq sahələrinin genişləndirilməsi və bərpa işlərinin yerinə yetirilməsi məqsədilə minlərlə ağac və bəzək kolları tinglərinin yetişdirilməsi işləri də davam etdirilir.
Xatırladaq ki, hazırda QSC-nin TRD ARDNŞ-nin Qaz Emalı Zavodunun ərazisində və "Azneft" İB-nin "Abşeronneft", "Bibiheybətneft", H.Z. Tağıyev adına neftqazçıxarma idarələrinin mədən ərazilərindəki yaşıllıq sahələrində 82 min ədədə qədər müxtəlif növ ağaclara, bəzək və gül kollarına aqrotexniki xidmətlər göstərir.