Xidmətlərimiz
|
|
|
|
"Ekol Mühəndislik Xidmətləri" QSC-də Belçikanın "Ecorem" şirkətinin nümayəndələri ilə görüş keçirilmişdir
|
"Ekol Mühəndislik Xidmətləri" QSC-nin xarici əlaqələrinin genişləndirilməsi və nanotexnologiyaların əldə olunması sahəsindəki tədbirlər planı çərçivəsində fevralın 18-də QSC-nin baş ofisində Belçikanın "Ecorem" şirkətinin nümayəndələri ilə görüş keçirilmişdir.
Görüşdə QSC-nin baş direktorunun istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, əlaqədar departament və şöbə rəisləri, həmçinin ARDNŞ-nin Ekologiya İdarəsinin nümayəndəsi iştirak etmişlər. QSC-nin baş direktorunun müavini Məzahir Hüseynov qonaqları səmimi salamlayaraq QSC haqqında ümumi məlumatı onların diqqətinə çatdırdı. O, QSC-nin yeni texnologiyaların əldə olunması istiqamətində daimi axtarışda olduğunu vurğulayaraq bu görüşdə də yeni texnologiyalar barədə maraqlı məlumatların əldə olunacağına və əməkdaşlıq əlaqələrinə zəmin yaranacağına əminliyini bildirdi. Sonra söz qonaqlara təqdim olundu. "Ecorem" şirkətinin layihələr üzrə meneceri Dr. MARJORİF PIVIN səmimi qəbul üçün QSC-nin rəhbərliyinə öz minnətdarlıqlarını bildirdi. O təmsil etdikləri şirkətin məsləhətçi bir şirkət olması ilə yanaşı, neftlə çirklənmiş torpaqların təmizlənməsi sahəsində də bir sıra ekoloji layihələr həyata keçirdiyini qeyd etdi. Qonaq bildirdi ki, 2013-cü ilin noyabr ayından başlayaraq "Ecorem" şirkəti ilə ARDNŞ arasında əməkdaşlıq əlaqələri yaranmışdır. ARDNŞ ilə olan müqaviləyə əsasən Abşeron yarımadasında neftlə çirklənmiş torpaqların texniki-iqtisadi əsaslandırılması layihəsi "Ecorem" şirkətinə həvalə edilmişdir. Hazırda bu layihə üzrə işlər uğurla davam etdirilir. Sonra qonaqlar ayrı-ayrı ölkələrdə həyata keçirdikləri ekoloji layihələrin elektron məlumatlarını görüş iştirakçılarına təqdim etdilər. Təqdimatla əlaqədar geniş müzakirələr aparıldı və bir sıra texniki məsələlərə aydınlıq gətirildi. Sonda Məzahir Hüseynov maraqlı təqdimata görə qonaqlara öz təşəkkürünü bildirdi. Qərara alındı ki, gələcəkdə ikitərəfli əməkdaşlıq əlaqələrinin yaradılması üçün qarşılıqlı araşdırmalar aparılsın, görüşlər və müzakirələr davam etdirilsin. O qonaqları QSC-nin istehsalat sahələri ilə tanış olmaq üçün dəvət etdi. Bununla da görüş qarşılıqla anlaşma şəraitində başa çatdı.
tarix : 18.02.2014
|
|
|
|
|
|
|