|
Xidmətlərimiz
|
|
|
|
"Abşeronneft" NQÇİ-nin mədən ərazilərinin yaşıllaşdırılması istiqamətində tədbirlər davam etdirilir
|
|
“Abşeronneft” NQÇİ-nin reabilitasiya olunmuş mədən ərazilərində yaşıllıq sahələrinin genişləndirilməsi və bitkilərə aqrotexniki xidmətlərin göstərilməsi layihəsini uğurla davam etdirən "Ekol Mühəndislik Xidmətləri" QSC, 2013-cü ildə də "Azneft" İB ilə birgə bu istiqamətdə məqsədyönlü tədbirlər həyata keçirmişdir. Ötən il “Abşeronneft” NQÇİ-nin mədən ərazilərində yaşıllıq sahələri genişləndirilərək, əraziyə 2 min 200 ədədə qədər yeni müxtəlif növ (eldar şamı, zeytun, iydə və s.) ağac və bəzək kolları əkilmişdir.
QSC-nin Torpaqların Rekultivasiyası Departamentinin əməkçilərinin göstərdiyi yüksək səviyyəli aqrotexniki xidmətlər və yaşıllıq sahələrinin damcı suvarma sistemi ilə təmin edilməsi nəticəsində bitkilərin normal inkişafı təmin edilmişdir. Hazırda “Abşeronneft” NQÇİ-nin mədən ərazilərində 14 min 200 ədədə qədər müxtəlif növ ağac və bəzək kollarına aqrotexniki xidmətlər göstərilir.
Görülən yaşıllaşdırma tədbirləri nəticəsində “Abşeronneft” NQÇİ-nin bir zamanlar neftlə çirklənmiş mədən əraziləri öz simasını dəyişmiş və ərazinin ekoloji vəziyyəti xeyli dərəcədə yaxşılaşmışdır. Yaşıllaşdırma tədbirlərinin bundan sonra da davam etdirilməsi nəzərdə tutulur.
tarix : 21.02.2014
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
