Ekoloji siyasətin icrasını təmin etmək məqsədilə, son 10 ildə ARDNŞ-nin   fəaliyyət sahələrində iri miqyaslı ekoloji layihələr həyata keçirilmiş, xüsusilə çirklənmiş torpaqların təmizlənməsi və reabilitasiya olunmuş ərazilərdə yaşıllıq sahələrinin salınması işləri geniş vüsət almışdır. Ekoloji layihələrin icrasında ARDNŞ-nin  təsisçisi olduğu “Ekol Mühəndislik Xidmətləri” QSC də yaxından iştirak etmişdir.

     Həyata keçirilən tədbirlər sırasında Bakının qərb qapısı hesab edilən, xüsusi coğrafi mövqeyi, relyefi, meteoroloji xüsusiyyətləri və infrastruktur şəbəkəsinin müxtəlifliyi ilə Abşeron yarımadasının digər ərazilərindən  fərqlənən BibiHeybət sahəsi xüsusi əhəmiyyət kəsb edir.

      Ötən illər ərzində “BibiHeybətneft” NQÇİ-nin reabilitasiya olunmuş 40 hektardan çox mədən ərazisində  50 mindən çox mühitə davamlı ağac və bəzək  kolları əkilmişdir.  Hazırda QSC-nin Torpaqların Rekultivasiyası Departamentinin (TRD) peşəkar mütəxəssisləri tərəfindən bu yaşıllıq sahələrinə aqrotexniki xidmətlər  göstərilir. Mövsümü işlərlə əlaqədar ağacların dibləri boşaldılır, qurumuş ağaclar bərpa edilir, bitkilərə üzvü və qeyri üzvü gübrələr verilir. Ərazi damcı suvarma sistemləri ilə təmin olunmuşdur.

      Bununla yanaşı yaşıllıq sahələrinin genişləndirilməsi istiqamətində də məqsədyönlü işlər görülür. Bu  məqsədlə ərazidə 1 hektardan çox yeni  sahə ayrılmış və yaxın günlərdə  ağac əkininə  başlanacaqdır. Ərazidə əkilmək üçün TRD-nin istixanasında yetişdirilmiş bitkilərdən istifadə edilməsi nəzərdə tutulmuşdur.

• İnsan ildə 1-1,5 ton, gündə isə 0,86 kq oksigen istifadə...