Hər il dünyanın bir çox ölkələrində, həmçinin müstəqil Azərbaycan Respublikasında 8 Mart- Beynəlxalq Qadınlar günü istirahət günü olmaqla, böyük təntənə ilə qeyd edilir.
Ənənəvi olaraq “Ekol Mühəndislik Xidmətləri” QSC-nin baş ofisində və xidmət sahələrində də bu əlamətdar gün münasibətilə tədbirlər keçirilmişdir. Martın 7-də keçirilən tədbirlərdə QSC-nin baş direktoru Ramil Əliyev kollektivin qadın üzvlərini 8 Mart-Beynəlxalq Qadınlar günü münasibətilə təbrik etmiş, müasir həyatımızda, dövlət quruculuğunda və ölkəmizin iqtisadi inkişafında, qadınların rolunu xüsusilə qeyd etmişdir.
Baş direktor QSC-nin kollektivinin 20%-ə qədərini təşkil edən qadınların əməyini yüksək
qiymətləndirərək, onlara can sağlığı, uzun ömür, ailə səadəti və işlərində müvəffəqiyyətlər arzulamışdır. Tədbirlərdə çıxış edən digər natiqlər də bu təbriklərə qoşulmuşlar.
Sonda qadın kollektivinin hər bir üzvünə tər çiçəklər və pul mükafatı təqdim edilmişdir. Tədbirdə iştirak edən qadınlar göstərdikləri diqqət və qayğıya görə QSC rəhbərliyinə öz dərin təşəkkürlərini bildirmişlər.
tarix : 07.03.2014
|