Bununla əlaqədar olaraq martın 11-də, QSC-nin baş ofisində auditin açılış toplantısı keçirilmişdir. Toplantıda QSC-nin baş direktor Ramil Əliyev, baş direktorun müavinləri, departament və şöbə rəisləri, həmçinin Türk Standartları İnstitutunun Azərbaycan təmsilçisi Səlim Çələbi, baş auditor Xatirə Salahova və baş menecer Namiq Həsənov iştirak etmişlər.
Baş direktor Ramil Əliyev TSİ təmsilçilərini səmimi salamlayaraq ötən dövr ərzində QSC-də Beynəlxalq İdarəetmə Sistemlərinin tələblərinə uyğun olaraq görülmüş işlər barədə ətraflı məlumat vermiş və bu sahədə əldə olunan uğurlardan danışmışdır. O, qeyd etmişdir ki, ötən audit nəticəsində aşkar olunmuş uyğunsuzluqlar qısa zamanda aradan qaldırılmış və təkrar yol verilməməsi üçün qabaqlayıcı tədbirlər görülmüşdür.
TSİ-nun Azərbaycan təmsilçisi Səlim Çələbi səmimi qəbula görə minnətdarlığını bildirmiş və qeyd etmişdir ki, İSO 9001, İSO 14001 və OHSAS 18001 Beynəlxalq İdarəetmə Sistemlərini qəbul etmiş "Ekol Mühəndislik Xidmətləri" QSC Azərbaycanda bu standartların tələblərinə uyğun fəaliyyət göstərən nümunəvi şirkətlərdən biridir. O, Beynəlxalq Standartlar sahəsində QSC-də görülən işlərdən və əvvəlki auditlərin nəticələrindən razı qaldıqlarını vurğulayaraq, keçiriləcək növbəti auditin də müsbət nəticələrlə başa çatacağına əminliyini bildirmişdir.
QSC-nin baş direktor Ramil Əliyev TSİ-nun təmsilçilərinə uğurlar arzulamış, auditin şəffaf və işgüzar şəraitdə keçməsi üçün hərtərəfli şərait yaradılacağını, bu barədə bütün struktur bölmələrinə müvafiq tapşırıqlar verildiyini qonaqların diqqətinə çatdırmışdır.
TSİ təmsilçilərinin üçüncü tərəf auditi martın 11-dən 14-dək keçiriləcək və QSC-nin bütün struktur bölmələri əhatə oluncaqdır.