Xidmətlərimiz
|
|
|
|
“Ekol Mühəndislik Xidmətləri ” QSC-də İSO standartları üzrə keçirilən üçüncü tərəfin auditi yüksək nəticələrlə başa çatmışdır
|
Qeyd edildiyi kimi martın 11-dən 14-dək Türk Standartları İnstitutunun (TSE) auditorları tərəfindən “Ekol Mühəndislik Xidmətləri” QSC-də İSO-9001, İSO-14001 və OHSAS-18001 Beynəlxalq İdarəetmə Sistemləri standartlarının tələblərinə əməl olunması və standartlara uyğunluğun yoxlanması üzrə üçüncü tərəfin auditi keçirmişdir.
Audit şəffaf və işgüzar şəraitdə başa çatmış və martın 14-də qapanış toplantısı keçirilmişdir. Toplantıda auditin nəticələri müzakirə edilmişdir. TSE təmsilçiləri Səlim Çələbi və baş auditor Xatirə Salahova nəticələr barədə QSC-nin rəhbərliyinə və kollektivin nümayəndələrinə məlumat vermişlər. Qeyd olunmuşdur ki, audit ayrı-ayrı şöbələrdə və xidmət sahələrində keçirilmiş, hər üç standartın tələblərinə yüksək səviyyədə əməl olunduğu aşkar edilmişdir. Bir neçə xırda uyğunsuzluqlar nəzərə alınmaqla nəticələr ümumən qənaətbəxş olmuşdur. TSE-nin Azərbaycan təmsilçisi Səlim Çələbi, Azərbaycanda Beynəlxalq İdarəetmə Sistemlərinin tam mənimsənilməsi, təkmilləşdirilməsi və standartların tələblərinə əməl olunması sahəsində “Ekol Mühəndislik Xidmətləri” QSC kimi nümunəvi şirkətlərin olmasını müsbət hal kimi qiymətləndirmişdir. O, TSE-nin beynəlxalq standartlar çərçivəsində QSC-nə hər zaman dəstək olmağa hazır olduğunu və auditin nəticəsi olaraq QSC-nin hər üç standartlar üzrə sertifikatlarının vaxtının daha bir il uzadıldığını toplantı iştirakçılarının diqqətinə çatdırmışdır. Toplantıda çıxış edən QSC-nin baş direktoru Ramil Əliyev və Ekoloji Monitorinq Departamentinin rəisi Şahabiddin Albuşov TSE təmsilçilərinə auditin şəffaf şəraitdə keçirilməsinə və göstərdikləri dəstəyə görə öz dərin təşəkkürlərini bildirmişlər. Baş direktor Ramil Əliyev keçirilən auditin nəticəsində aşkarlanmış uyğunsuzluqların qısa zamanda aradan qaldırılacağını və bundan sonra da QSC-nin bütün fəaliyyət sahələrində İSO-9001, İSO-14001 və OHSAS-18001 Beynəlxalq İdarəetmə Sistemlərinin tələblərinə yüksək səviyyədə əməl olunacağını xüsusilə qeyd etmişdir. Bununla da TSE təmsilçilərinin QSC-də üç gün ərzində keçirdikləri üçüncü tərəf auditin nəticələrinə həsr olunmuş qapanış toplantısı başa çatmışdır.
tarix : 14.03.2014
|
|
|
|
|
|
|