Yazın gəlişi ilə əlaqədar respublikamızın bağçılıq təsərrüfatlarında və yaşıllaşdırma sahələrində  mövsümi işlər geniş vüsət almışdır. "Ekol  Mühəndislik  Xidmətləri" QSC-nin xidmət  göstərdiyi  yaşıllaşdırma sahələrində də yaz  mövsümünə  uyğun  işlərin icrasına başlanmışdır. Bununla əlaqədar olaraq, QSC-nin Torpaqların  Rekultivasiyası  Departamentinin  1-ci ("Abşeronneft" və H.Z. Tağıyev adına  NQÇİ-nin mədən əraziləri) və 3-cü ( ARDNŞ-nin Qaz Emalı Zavodunun  ərazisi və "BibiHeybətneft" NQÇİ-nin mədən ərazisi) sahələrində  məqsədyönlü  aqrotexniki  tədbirlər  həyata  keçirilir.

     Bərpa-yaşıllaşdırma tədbirlərinin ARDNŞ-nin Qaz  Emalı  Zavodunun ərazisində, eləcə də "Abşeronneft" və H.Z. Tağıyev adına  NQÇİ-nin mədən ərazilərindəki yaşıllıq sahələrində  də həyata  keçirilməsi nəzərdə tutulmuşdur. Bu məqsədlə həmin ərazilərdə  təmizlik  işləri aparılmış və yeni əkiləcək ağaclar üçün çalalar  hazırlanmışdır. Yaxın günlərdə  ağac əkininə  başlanacaqdır. Yaşıllıq sahələrinin bərpası üçün BibiHeybət sahəsindəki istixanada da kifayət qədər  müxtəlif  tinglər  yetişdirilmişdir.
   QSC-nin Torpaqların Rekultivasiyası Departamentinin  xidmət göstərdiyi yaşıllıq sahələrində  yaz mövsümi işlərinin  aqrotexniki qaydalara uyğun və keyfiyyətlə yerinə  yetirilməsi  istiqamətində   zəruri tədbirlər davam etdirilir.

 

tarix : 03.04.2014