Görüşdə QSC-nin baş direktorunun istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavini Rəşad İsmayılov, əlaqədar departament və şöbə rəisləri, həmçinin Harmsco Europe şirkətinin nümayəndələri dott. Rudy Stracagnolo və dott. Andrea Melo iştirak etmişlər.
QSC-nin baş direktorunun müavini Məzahir Hüseynov qonaqları səmimi salamlayaraq görüş iştirakçılarını onlara təqdim etdi və QSC haqqında qısa məlumatı qonaqların diqqətinə çatdırdı. Sonra söz Harmsco Europe şirkətinin nümayəndələrinə verildi.
dott. Andrea Melo öncə səmimi qəbula görə QSC rəhbərliyinə öz minnətdarlıqlarını bildirdi. O qeyd etdi ki, Harmsco Europe şirkəti çirkab suların təmizlənməsində istifadə olunan müxtəlif filtrlər istehsal edən və bu sahədə layihələr həyata keçirən, eyni zamanda çirklənmiş torpaqların təmizlənməsi sahəsində fəaliyyət göstərən bir şirkətdir. dott. Andrea Melo təmsil etdiyi şirkətin həyata keçirdiyi layihələr və çirkab suların filtrlər vasitəsi ilə təmizlənməsi texnologiyaları haqqında görüş iştirakçılarına geniş məlumat verdi. Sonra mövzu ətrafında müzakirələr aparıldı.
Məzahir Hüseynov maraqlı məlumata görə qonaqlara öz təşəkkürünü bildirdi. O qeyd etdi ki, "Ekol Mühəndislik Xidmətləri" QSC-nin əsas fəaliyyət sahələrindən biri də sənaye-çirkab suların təmizlənməsidir. Ona görə də yaxşı olardı ki, QSC-nin sənaye axarlarına daxil olan çirkab sular nəzərdən keçirilsin və bu suların filtrlərlə təmizlənməsi haqqında konkret təkliflər verilsin. Qonaqlar bu təklifin məqsədəuyğun olduğunu bildirdilər və qərara alındı ki, növbəti görüşlərdə texniki mütəxəssislər cəlb olunmaqla sənaye axarlarına baxış keçirilsin və əməkdaşlığın mümkün variantları müəyyən edilsin.
Sonda qərara alındı ki, gələcəkdə ikitərəfli əməkdaşlıq əlaqələrinin yaranması üçün qarşılıqlı araşdırmalar aparılsın, görüşlər və müzakirələr davam etdirilsin. Bununla da görüş başa çatmışdır.
ana səhifə
Satınalma
əlaqə
Futzal
Alternativ Enerji
Bu maraqlıdır
