|
“Ekol Mühəndislik Xidmətləri” QSC-nin Ekoloji Monitorinq Departamentinin Milli Sertifikatlaşma Sistemində akkreditasiyadan keçmiş KTL dənizdə və quruda ətraf mühitin vəziyyətinin tədqiq edilməsi və QSC-nin istehsalat sahələrində analitik nəzarətin aparılması üzrə çoxşaxəli xidmətlər göstərir.
Laboratoriyada aparılan tədqiqat işləri spektr və xarakter etibari ilə müxtəlifdir . Hazırda laboratoriyada dəniz suyu, neftşlam, torpaq, sənaye axıntı suları, lay suları və s. müxtəlif xarakterli nümunələrdə onlarla inqredientlərin təyini üzrə tədqiqat işləri aparılır.
KTL-da analitik təhlillərin spektrinin genişləndirilməsi və keyfiyyətinin yaxşılaşdırılması məqsədilə, maddi texniki bazanın gücləndirilməsi və digər əlavə tədbirlərin görülməsi istiqamətində ardıcıl tədbirlər həyata keçirilir. Bu tədbirlər çərçivəsində tədqiqat işlərinin müasir standartlara müvafiq olaraq aparılması məqsədilə, 2013-cü ilin dekabr ayında Yaponiyanın "Şimadzu" şirkətinin istehsalı olan UV-1800 spektrofotometri alınmışdır. Cihaz xüsusi proqram (UVProbe) təchizatı ilə idarə olunur və 190-1100 nm dalğa uzunluğu diapazonuna daxil olan bütün inqredientləri təhlil etmək qabiliyyətinə malikdir. Ammonium, nitritlər, nitratlar, fosfatlar, silikatlar, sintetik səthi aktiv maddələr, OKT, OBT, fenollar, xloridlər, sulfatlar, fosfor, brom, yod, kalsium, kalium və digər bir sıra inqredientlər bu diapazona daxildir.
Spektrofotometrin proqram təminatını və cihazın kalibrlənməsini, həmçinin laboratoriyanın mütəxəssislərinə bir neçə inqredient üzrə iş təlimatının öyrədilməsini "Şimadzu" şirkətinin Azərbaycandakı təmsilçisi Ant Texnik şirkəti həyata keçirmiş və təlimat uğurla başa çatdırılmışdır. UV-1800 spektrofotometrinin proqram təminatı, tədqiqat diapazonunun geniş olmasına və təhlil elementlərinin ən aşağı xəta ilə tədqiqinə geniş imkanlar yaradır. Cihazın tam gücü ilə işə salınması üzrə işlər KTL-nın mütəxəssisləri tərəfindən davam etdirilir və ardıcıl olaraq tədqiq olunan inqredientlərin sayı tədricən artırılır.
Eyni zamanda KTL-na yeni sorucu şkaf, su hamamları, qızdırıcı plitələr, laborator qablar, reaktivlər alınmış, işçilərin iş şəraitinin daha da yaxşılaşdırılması məqsədilə laboratoriyada əlavə iş otağı təmir olunaraq istifadəyə verilmişdir.
KTL-nın maddi texniki bazasının gücləndirilməsi, müasir tipli cihaz və avadanlıqlarla təchiz edilməsi sahəsində tədbirlər bundan sonrada davam etdiriləcəkdir.
tarix : 11.04.2014
|
ana səhifə
Satınalma
əlaqə
Futzal
Alternativ Enerji
Bu maraqlıdır
