Xidmətlərimiz
|
|
|
|
"Ekol Mühəndislik Xidmətləri" QSC-nin Tullantıların Emalı Departamentinin 6-cı sahəsində təmir işləri davam edir
|
“Ekol Mühəndislik Xidmətləri” QSC-nin istehsalat sahələrində texnoloji proseslərin ətraf mühitə təsirinin minimuma endirilməsi, istehsalatın fasiləsizliyinin təmin edilməsi, eləcə də obyektlərin, qurğu və avadanlıqların istismar müddətinin artırılması istiqamətində mütəmadi zəruri tədbirlər həyata keçirilir.
Ötən ildə olduğu kimi, 2014-cü ildə də bu sahədə tədbirlər davam etdirilərək istehsalat sahələrində zəruri tikinti-quraşdırma və təmir işləri yerinə yetirilir. Cari ilin əvvəlindən başlayaraq digər sahələrlə yanaşı, QSC-nin Tullantıların Emalı Departamentinin 6-cı sahəsində də (H. Əliyev adına BNEZ-nun 9-cu sexinin ərazisi) profilaktiki təmir işləri görülür. Bu işlərin həyata keçirilməsində ARDNŞ və Heydər Əliyev adına BNEZ yaxından dəstək göstərir. İlk növbədə havaya atılan zərərli tullantıların qarşısını alınması məqsədilə BNEZ tərəfindən Flotatorların üst örtükləri yenidən quraşdırılır. QSC isə mexaniki təmizləyici qurğularda zəruri profilaktiki təmir işləri yerinə yetirir. Hazırda çökdürücü göllərin üst örtüklərinin rənglənməsinə başlanmışdır. Eyni zamanda sahənin elektrik və kommunal təsərrüfatında da profilaktiki təmir işləri yerinə yetirilir. Bu istiqamətdə tədbirlər davam etdirilir.
tarix : 18.04.2014
|
|
|
|
|
|
|