|
Xidmətlərimiz
|
|
|
|
"Ekol Mühəndislik Xidmətləri" QSC H. Z. Tağıyev adına NQÇİ-nin mədən ərazisindəki yaşıllıqlara yüksək səviyyəli xidmətlər göstərir
|
|
ARDNŞ-nin fəaliyyət sahələrində ekoloji vəziyyətin yaxşılaşdırılmasına dair tədbirlər planı çərçivəsində "Ekol Mühəndislik Xidmətləri" QSC-nin Torpaqların Rekultivasiyası Departamentinin (TRD) aqrotexniki xidmətlər göstərdiyi sahələrdən biri də H.Z. Tağıyev adına NQÇİ-nin 1-ci mədən ərazisindəki (Qala sahəsi) yaşıllıq sahəsidir. 2013-cü ildən başlayaraq TRD-nin 1-ci sahəsinin kollektivi tərəfindən NQÇİ-nin 1-ci mədən ərazisində müxtəlif növ ağaclar əkilmişdir. Hazırda ərazidə 6 minə qədər (əkinə qədər olan ağaclar da daxil olmaqla) müxtəlif ağac növlərinə yüksək səviyyəli aqrotexniki xidmətlər göstərilir.
Yaşıllıq sahəsində bitkilərin normal inkişafı üçün bütün aqrotexniki qaydalara ciddi əməl etməklə yanaşı, su təchizatının yaxşılaşdırılması məqsədilə ərazi mexaniki suvarma (damcı üsulu ilə) sistemi ilə təmin olunmuş və digər zəruri tədbirlər həyata keçirilmişdir. Yazın gəlişi ilə əlaqədar olaraq hazırda ərazidə mövsümü işlər yerinə yetirilir.
Ərazinin ekoloji vəziyyətinin yaxşılaşdırılması məqsədilə, "Ekol Mühəndislik Xidmətləri" QSC "Azneft" İB ilə birgə ərazidə yaşıllıq sahələrinin genişləndirilməsi istiqamətində tədbirlərini davam etdirir.
tarix : 24.04.2014
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
