Öz fəaliyyətini beynəlxalq standartlar səviyyəsində quran "Ekol Mühəndislik Xidmətləri" QSC bu standartların tələblərinə əməl olunması məqsədilə ardıcıl tədbirlər həyata keçirir və prosedura qaydalarına tam əməl olunur. Həyata keçirilən tədbirlər çərçivəsində TS EN İSO 9001 Keyfiyyətin idarəetmə sisteminin, TS EN İSO 14001 Ekologiya idarəetmə sisteminin və TS İSO 18001 OHSAS Əməyin mühafizəsi və təhlükəsizliyi idarəetmə sisteminin müvafiq maddələrinin tələblərinə uyğunluğunun müəyyən edilməsi məqsədilə, QSC-nin baş direktorunun təsdiq etdiyi qrafikə əsasən aprelin 1-dən başlayaraq struktur bölmələrində daxili audit keçirilir.
İdarəetmə sisteminin mövcud qanunvericiliyinə, daxili qaydalara və idarəetmə prinsiplərinə, keyfiyyət, ekologiya, təhlükəsizlik norma və qaydalarına uyğunluğunun və səmərəliliyinin müstəqil yoxlama sistemi olan daxili audit, İMPr/03 saylı "Daxili audit" prosedurasının tələblərinə əsasən həyata keçirilir. Qrafikə əsasən audit QSC-nin bütün struktur bölmələrini əhatə edir. Auditin keçirilməsinə Ekoloji Monitorinq Departamentinin rəis müavini, Rəhbərliyin nümayəndəsi Natella Şəfiyeva başda olmaqla QSC-də müvafiq sertifikatları və təcrübələri olan auditorlar cəlb edilmişdir. Obyektiv faktlara əsaslanaraq keçirilən audit zamanı müvafiq sənədləşmələr aparılır və aşkar edilmiş uyğunsuzluqların aradan qaldırılması üçün uyğun proseduralar tövsiyə edilir. Sonda hər bir bölmə üzrə auditin yekun hesabatı hazırlanaraq QSC-nin rəhbərliyinə təqdim olunacaqdır. Daxili audit qrafik əsasında QSC-nin bütün struktur bölmələri əhatə edilməklə 15.05.2014-cü il tarixədək davam edəcəkdir.
tarix : 02.05.2014
|