QSC-nin Həmkarlar  İttifaqı  Komitəsinin təşkilatçılığı ilə  mayın 7-də  keçirilən nərd  turnirinə  QSC-nin ayrı-ayrı istehsalat sahələrində  çalışan 30 nəfərdən çox nərd həvəskarı  qatılmışlar.
     Turnirin açılışında  çıxış edənlər,  QSC-nin   baş direktorunun  istehsalat üzrə müavini-Texniki  direktor  Məzahir  Hüseynov,  baş direktorun SƏTƏM üzrə müavini Rəşad İsmayılov,  İctimai sosial şöbənin rəisi - YAP "Ekol" ilk ərazi təşkilatının sədri Fəxrəddin Quliyev və Həmkarlar İttifaqı Komitəsinin sədri Əli Ələkbərov ümummilli lider, müasir Azərbaycanın  Respublikasının memarı Heydər Əliyevin  həyat və fəaliyyətindən, onun müstəqilliyimizin əldə olunmasında və respublikamızın hərtərəfli inkişafında göstərdiyi  misilsiz  xidmətlərindən   danışmışlar.    
     HİK-nin sədri Əli Ələkbərov  yarışın  şərtlərini iştirakçılara izah etdikdən sonra turnirə start verilmişdir. Gərgin mübarizə və şəffaf  şəraitdə  keçən turnirin final mərhələsində  qalibləri müəyyən olunmuşdur.  I yerə Torpaqların Rekultivasiyası  Departamentinin (TRD) 1-ci sahəsinin  rəisi  Namiq Qurbanov,  II yerə TRD-nin 3-cü  sahəsinin  rəis  müavini  Bəhruz Cabbarov, III yerə isə  Tullantıların  Emalı  Departamentinin  7-ci sahəsinin  çilingəri Fəxrəddin  Xəlilov  layiq görülmüşlər.
     Sonda  qaliblərə  xüsusi  diplom,  kubok və pul mükafatları təqdim olunmuşdur.