Xidmətlərimiz
|
|
|
|
QSC "Abşeronneft" NQÇİ-nin mədən ərazilərindəki yaşıllıq sahələrinə yüksək səviyyəli aqrotexniki xidmətlər göstərir
|
ARDNŞ-nin fəaliyyət sahələrində ekoloji vəziyyətin yaxşılaşdlırılmasına dair tədbirlər planı çərçivəsində, neft-mədən ərazilərinin çirklənmədən təmizlənməsi və reabilitasiya olunmuş ərazilərdə yaşıllıqların salınması xüsusi əhəmiyyət kəsb edir. Bu tədbirlərin həyata keçirilməsində yaxından iştirak edən və ekoloji layihələrin bilavasitə icraçısı olan "Ekol Mühəndislik Xidmətləri"QSC-nin həyata keçirdiyi prioritet layihələrdən biri də “Abşeronneft” NQÇİ-nin reabilitasiya olunmuş mədən ərazilərində yaşıllıqların salınması və aqrotexniki xidmətlərin göstərilməsidir.
2012-ci ildən başlayaraq QSC “Abşeronneft” NQÇİ-nin mədən ərazisində (Pirallahı qəsəbəsi) neftlə çirklənmiş torpaqların təmizlənməsi layihəsini uğurla həyata keçirmiş, "Azneft" İB ilə birgə reabilitasiya olunmuş 13 hektar sahədə yaşıllıq sahəsi salınmışdır. 2014-cü ilin yanvar ayına qədər ərazidə 15 min 200 ədədə müxtəlif növ ağaclar əkilmiş və QSC-nin Torpaqların Rekultivasiyası Departamenti (TRD) tərəfindən aqrotexniki xidmətlər göstərilmişdir. Yaşıllıq sahələri damcı suvarma sistemi ilə təmin edilmişdir. 2014-cü ilin yaz mövsümündə isə ərazidə 200 ədəd müxtəlif ağac növləri əkilmişdir. Hazırda “Abşeronneft” NQÇİ-nin mədən ərazilərində TRD tərəfindən 13 hektar yaşıllıq sahəsində 15 min 400 ədədə qədər müxtəlif növ ağac və bəzək kollarına yüksək səviyyəli aqrotexniki xidmətlər göstərilir. Həyata keçirilən yaşıllaşdırma tədbirləri nəticəsində “Abşeronneft” NQÇİ-nin mədən əraziləri öz simasını dəyişmiş və ərazinin ekoloji vəziyyəti xeyli dərəcədə yaxşılaşmışdır.
tarix : 20.05.2014
|
|
|
|
|
|
|