Xidmətlərimiz
|
|
|
|
“Ekol Mühəndislik Xidmətləri ” QSC-də 5 iyun – "Ümumdünya Ətraf Mühit Günü" ilə əlaqədar tədbirlər keçirilmişdir
|
Azərbaycan Respublikası öz müstəqilliyinə qovuşduqdan sonra digər əlamətdar günlərlə yanaş, 5 iyun - "Ümumdünya Ətraf Mühit Günü" də hər il yüksək səviyyədə qeyd olunur və əhalinin diqqəti bir daha mövcud ekoloji problemlərə cəlb edilir. Respublikamızda özünü ekoloji yönümlü xidmətləri ilə tanıtmış "Ekol Mühəndislik Xidmətləri" QSC-də, hər il olduğu kimi 2014-cü ildə də 5 iyun -"Ümumdünya Ətraf Mühit Günü" bir sıra tədbirlərlə qeyd olunmuşdur.
Bu münasibətilə keçirilən toplantıda QSC-nin Baş direktoru Ramil Əliyev "Ümumdünya Ətraf Mühit Günü"-nün yaranma tarixi və əhəmiyyəti" mövzusunda çıxış etmişdir. O, bildirmişdir ki, 1971-ci ilin may ayının 11-də dünyanın 23 ölkəsinin 2 200 elm və mədəniyyət xadiminin imzası ilə BMT-nin Baş katibinə müraciət ünvanlamışlar. Bu müraciətlə onlar bəşəriyyətə ətraf mühitin çirklənməsi barədə xəbərdarlıq vermişlər. Bununla əlaqədar olaraq,16 dekabr 1972-ci ildə BMT-nin Baş Assambleyasının 27-ci sessiyasında qərar qəbul edilmiş və o vaxtdan 5 iyun -"Ümumdünya Ətraf Mühit Günü" hər il yüksək səviyyədə qeyd olunur. Toplantıda həmçinin, QSC-nin Ekoloji Monitorinq Departamentinin (EMD) rəis müavini Hafiz Əbilov "Ekol Mühəndislik Xidmətləri" QSC-nin ətraf mühitin mühafizəsində rolu", İctimai Sosial Şöbənin rəisi Fəxrəddin Quliyev "Azərbaycan Respublikasında ətraf mühitin mühafizəsi sahəsində görülən işlər", EMD-nin rəis müavini Natella Şəfiyeva isə "Ətraf mühitin mühafizəsinə hər bir vətəndaşın münasibəti" mövzularında məruzələrlə çıxış etmişlər. Ətraf mühitin mühafizəsi ilə əlaqədar nümayiş etdirilən video çarxlar iştirakçılar tərəfindən maraqla izlənilmişdir. Eyni zamanda "Ekol Mühəndislik Xidmətləri" QSC-nin 7 nəfər əməkdaşı ətraf mühitin mühafizəsi sahəsindəki səmərəli fəaliyyətinə görə Fəxri Fərmanla təltif olunmuşlar. Tədbirin ikinci mərhələsi Torpaqların Rekultivasiyası Departamentinin xidmət göstərdiyi "BibiHeybətneft" NQÇİ-nin mədən ərazisindəki yaşıllıq sahəsində tematik iməciliklə davam etdirilmişdir. Tədbir iştirakçıları ətrafdakı insanların diqqətini cəlb etmək məqsədilə, ərazidəki yaşıllıqlara aqrotexniki xidmətlər göstərmiş və yeni ağaclar əkmişlər.
tarix : 05.06.2014
|
|
|
|
|
|
|