İyunun 25-də “Ekol Mühəndislik Xidmətləri” QSC-nin xidmət sahələrində "Silahlı Qüvvələr günü" ilə əlaqədar tədbirlər keçirilmişdir. Tədbirlərdə çıxış edənlər QSC-nin kollektivini bu əlamətdar gün münasibəti ilə təbrik etmiş və ölkəmizə sülh, əmin-amanlıq, xalqımıza qələbə sevinci arzulamışlar.
Qeyd olunmuşdur ki, 1998-ci il may ayının 22-də Azərbaycan Respublikasının Prezident Heydər Əliyevin Sərəncamı ilə Əlahiddə Azərbaycan Korpusunun yarandığı gün, 26 iyun - “ Azərbaycan Respublikasının Silahlı Qüvvələr günü” elan olunmuş və ənənəvi olaraq hər il bu şanlı tarix rəsmi dövlət bayramı kimi təntənə ilə qeyd edilir. Hər il olduğu kimi, bu il də xalqımızın şanlı tarixi günü respublikamızın hər yerində silsilə tədbirlərlə və atəşfəşanlıqla qeyd olunacaqdır. Xalqımız öz müstəqilliyini əldə etdikdən sonra, bütün sahələrdə olduğu kimi nizami ordu quruculuğunun sürətlə inkişafı və təkmilləşdirilməsi istiqamətində həyata keçirilən məqsədyönlü tədbirlər nəticəsində ölkəmizin müdafiə qüdrəti daha da artmışdır. Əsası ulu öndər Heydər Əliyev tərəfindən qoyulmuş və Respublika Prezidenti İlham Əliyev cənabları tərəfindən uğurla davam etdirilən sürətli ordu quruculuğu nəticəsində, milli ordumuz bütün regionda qüdrətli və torpaqlarımızı işğaldan azad etmək gücünə malik olan bir orduya çevrilmişdir. Natiqlər öz çıxışlarında ölkə rəhbərinin səyi nəticəsində Milli Ordumuzun gündən-günə güclənməsindən, bütün Qafqazda qüdrətli bir orduya çevrilməsindən qürur hissi keçirdiklərini xüsusilə vurğulamışlar. Bildirilmişdir ki, əgər sülh danışıqları fayda verməzsə, bu halda Ali Baş Komandanın əmri ilə rəşadətli ordumuz torpaqlarımızın işğaldan azad olunmasında öz sözünü deyəcəkdir.
tarix : 25.06.2014
|