Xidməti ezamiyyət müddətində  QSC əməkdaşları  ABŞ-nın Kaliforniya ştatının  Los Angeles şəhərində TARMAK şirkətinin  neftlə çirklənmiş torpaqların təmizlənməsi üçün  istismarda olan (gücü 75 t/s) "Termal desorbsiya" qurğusu ilə  əyani  tanış olmuş, qurğu haqqında ətraflı məlumatlar əldə etmişlər.
      Əməkdaşlarımız  ABŞ-nın Utah ştatının Salıt Lake City  şəhərində, Water & Power Technologies  LLC  şirkətinin baş ofisində bu şirkətin nümayəndələri və Powell  Water Systems Inc (PWS) şirkətinin prezidenti ilə işgüzar görüş keçirmişlər. Daha sonra   QSC-nin  nümayəndələri Water & Power Technologies  şirkətinin çirkab suların təmizlənməsi üçün   "Elektrokoaqulyasiya" (EK) pilot qurğusu ilə də  tanış olmuş, eyni zamanda bu şirkətinin  istehsalı olan  membran, filtrasiya, Əks Osamos və ionsuzlaşdırma qurğularına baxış keçirilmiş, bu qurğular  haqqında  əməkdaşlarımıza geniş məlumatlar verilmişdir. Sonda Water & Power Technologies  LLC  şirkətinin  ABŞ-da həyata keçirdiyi "Lay sularının idarə olunması tutumları"  barədə elektron təqdimat keçirilmişdir.
      Xidməti ezamiyyət müddətində keçirilən görüşlər və qurğularla əyani tanışlıq  sayəsində kifayət qədər  maraqlı məlumatlar əldə olunmuş  və bu şirkətlərlə gələcək əməkdaşlıq  əlaqələrinin  istiqamətləri müəyyən edilmişdir.
     QSC-nin nümayəndələri  ABŞ-na olan xidməti ezamiyyəti işgüzar şəraitdə başa vuraraq,  iyunun 25-də xoş təəssüratlarla Bakıya qayıtmışlar.