Sınaq layihəsi ilə yaxından tanış olmaq məqsədi ilə tədbirə ARDNŞ-nin, Ekologiya İdarəsinin, "Azneft" İB-nin, "Azərsu" ASC-nin, H. Əliyev adına  BNEZ-nun, "Azərneftyağ" NEZ-nun,  "Ekol Mühəndislik Xidmətləri" QSC-nin, eləcə də "Balakhanı Operatinq Company LTD" Şirkətinin Azərbaycan Respublikasındakı filialının və "Suraxanı OYL Opereyşn Kompani S.A." Şirkətinin  Azərbaycan Respublikasındakı Nümayəndəliyinin  rəhbər işçiləri və mütəxəssisləri  qatılmışlar.
      Pilot layihəni tədbir iştirakçılarına Türkiyənin Su & Su firmasının  nümayəndələri,  Fazil  Eyübler,  Mehmet Tarık  Can, Ramazan Demir və  Nano  Tech  Texnology  Concept   firmasının təmsilçiləri, Filiz Nabiyev, Mehmet Güngör, və Ahmat Emre Arslan təqdim etmişlər.
      Pilot layihənin sınaq təqdimatında  türkiyəli mütəxəssisləri tərəfindən  sənaye-çirkab axıntı və lay sularının kimyəvi üsullarla təmizlənmə prosesində istifadə olunan  nanotexnologiyalar və  texnoloji proseslərdə istifadə olunan kimyəvi reagentlər haqqında  tədbir iştirakçılarına geniş məlumatlar verilmişdir. Qeyd olunmuşdur ki,  təmizləmə texnologiyası xüsusi reagentlər vasitəsilə  ilkin mərhələdə çirkab sularda turşu-qələvi mühitinin neytrallaşması, sonrakı mərhələdə isə ionlaşdırılması prinsipinə  əsaslanır. Nəticədə  suda olan neft məhsulları parçalanaraq mexaniki qarışıqlarla  birlikdə  çökür. Bu çöküntülərdən balıq yemi və gübrə kimi istifadə etmək mümkündür.  Təmizlənmiş su isə mövcud normativlərə uyğun olaraq  birbaşa su hövzələrinə axıdıla bilər.
      Sonra "Ekol Mühəndislik Xidmətləri"  QSC-nin istehsalat sahəsindən götürülmüş, sənaye-çirkab suların laboratoriya şəraitində xüsusi reagentlərlə təmizlənməsi əyani olaraq iştirakçılara  nümayiş  etdirilmiş və gözlənilən nəticələr əldə olunmuşdur.  Layihənin  sınağı  zamanı sual doğuran  məsələlərə aydınlıq gətirilmişdir.
      İyulun 3-də isə pilot layihə çərçivəsində eyni prinsiplərlə lay sularının  təmizlənməsinin   sınağı  keçirilmişdir. Bu məqsədlə "Balakhanı Operatinq Company LTD" Şirkətinin Azərbaycan Respublikasındakı filialının mədən ərazisindən götürülmüş lay suyu nümunəsindən istifadə olunmuşdur. Bu üsulla  lay sularının   təmizlənməsində də eyni  nəticələr əldə olunmuşdur.
      Sonda qərara alınmışdır ki, laboratoriya şəraitində  təmizləmiş su nümunələrinin analitik təhlilləri aparılsın və həmin suyun tərkibində ağır metalların , üzvi və qeyri üzvi birləşmələrin  vəziyyəti  müəyyən olunduqdan sonra hərtərəfli müzakirə edilsin və konkret təkliflər paketi hazırlansın.