Yay mövsümində havaların isti keçməsi ilə əlaqədar olaraq  yaşıllıqlara xüsusi aqrotexniki xidmətlərin göstərilməsi, onların vaxtlı-vaxtında suvarılması və xəstəliklərdən mühafizə edilməsi xüsusi diqqət tələb edir. Bu məqsədlə QSC-nin Torpaqların  Rekultivasiyası  Departamenti (TRD)  xidmət göstərdiyi  yaşıllıq sahələrində xüsusi iş rejimində fəaliyyət göstərir. Ekoloji vəziyyətin yaxşılaşdırılmasında  xüsusi  əhəmiyyət  kəsb edən yaşıllıqların xüsusilə yay mövsümində mühafizəsi, bitkilərin suya və üzvü gübrələrə olan tələbatının  təmin edilməsi, yaşıllıq sahələrinin alaq otlarından təmizlənməsi və digər aqrotexniki xidmətlərin göstərilməsi istiqamətində  məqsədyönlü tədbirlər həyata keçirilir. Bununla yanaşı, payız mövsümündə yaşıllıq sahələrinin genişləndirilməsi və bərpası məqsədilə TRD-nin istixanalarında yeni tinglərin yetişdirilməsi sahəsində də işlər yerinə yetirilir.

 Xatırladaq ki,  hazırda  TRD  ARDNŞ-nin  Qaz  Emalı  Zavodunun  ərazisində, eləcə də "Azneft" İB-nin  H. Z. Tağıyev adına  NQÇİ-nin,  “Abşeronneft”  NQÇİ-nin və "BibiHeybətneft" NQÇİ-nin mədən ərazilərində  79 min  ədədə  qədər  müxtəlif  növ ağac və bəzək kollarına   aqrotexniki  xidmətlər  göstərir.  Xidmət  sahələri  damcı suvarma sistemləri ilə təmin edilmişdir.
       QSC-nin TRD yaşıllıqlara mövsümü aqrotexniki xidmətlərin göstərilməsi  istiqamətində fəaliyyətini davam etdirir.

tarix : 05.08.2014