|
Respublikamızın ayrı-ayrı ali təhsil müəssisələrində təhsil alan tələbələrin ixtisaslarına uyğun olaraq təcrübi biliklərinin artırılması, istehsalat vərdişlərinin aşılanması və onların bacarıqlı bir mütəxəssis kimi formalaşması məqsədi ilə ənənəvi olaraq hər il neft-qaz sənayesi müəssisələrində, o cümlədən "Ekol Mühəndislik Xidmətləri" QSC-nin xidmət sahələrində istehsalat təcrübələri təşkil olunur.
2014-cü ildə də M.V. Lomonosov adına Moskva Dövlət Universitetinin, Bakı filialının kimya fakültəsinin IV-cü kurs tələbələrinin "Ekol Mühəndislik Xidmətləri" QSC-nin xidmət sahələrində istehsalat təcrübəsi keçmələri barədə müraciət olunmuşdur. Müraciətə əsasən avqustun 14-də tələbələrin istehsalat təcrübəsi başlanmışdır.
QSC-nin Ekoloji Monitorinq Departamentinin rəisi, istehsalat-təcrübə rəhbəri Şahabiddin Albuşov öncə tələbələrə "Ekol Mühəndislik Xidmətləri" QSC-nin yaranma tarixi, maddi-texniki bazası əsas fəaliyyət sahələri və həyata keçirdiyi ekoloji layihələr haqqında geniş məlumat vermişdir. O, qeyd etmişdir ki, istehsalat təcrübəsi müddətində tələbələr neft emalı zavodlarında formalaşan, neft məhsulları və digər kimyəvi maddələrlə çirklənmiş axıntı sularının təmizlənməsi, neftşlamın emalı texnologiyaları, eləcə də qurğuların iş prinsipi ilə yaxından tanış olacaqlar. Eyni zamanda, tələbələr QSC-nin Torpaqların Rekultivasiyası Departamentinin xidmət sahələrində yaşıllıqlara göstərilən aqrotexniki xidmətlərlə və ətraf mühitin mühafizəsi istiqamətində həyata keçirilən ekoloji layihələrlə yaxından tanış ediləcəklər.
Protokol qaydalara əsasən, ali təhsil müəssisələri tələbələrinin maarifləndirilməsi məqsədilə istehsalata tətbiq edilmiş yeni texnika və texnologiyaların mənimsənilməsi, neft sənayesi və ekologiya sahəsində qazanılmış təcrübədən tələbə və müəllim heyətinin yararlanması, təhsil müəssisələrində əldə olunmuş elmi-texniki nailiyyətlərin istehsalatda tətbiqi sahələrinin müəyyən edilməsi, eyni zamanda tələbələrdə təcrübi biliklərə marağın artırılması istiqamətində tədbirlər davam edir.
tarix : 14.08.2014
|
ana səhifə
Satınalma
əlaqə
Futzal
Alternativ Enerji
Bu maraqlıdır
