|
Xidmətlərimiz
|
|
|
|
QSC “BibiHeybətneft” NQÇİ-nin mədən ərazisində xidmət göstərdiyi yaşıllıq sahələrində payız əkininə hazırlıq işləri davam etdirilir
|
|
Neft-qaz sənayesi sahələrində ekoloji vəziyyətin yaxşılaşdırılması, xüsusilə neftlə çirklənmiş torpaqların təmizlənməsi və reabilitasiya olunmuş ərazilərin yaşıllaşdırılması ARDNŞ-nin ekoloji siyasətinin əsas istiqamətlərindən biridir. Bu sahədə həyata keçirilən kompleks tədbirlər planının icrasında “Ekol Mühəndislik Xidmətləri” QSC də öz layiqli tövhələrini verməkdədir. Ötən illər ərzində QSC-nin yaxından iştirakı ilə “BibiHeybətneft” NQÇİ-nin 40 hektardan çox neftlə çirklənmiş mədən ərazisi reabilitasiya olunmuş, həmin ərazilərə 50 minə qədər mühitə davamlı müxtəlif növ ağaclar və bəzək kolları əkilmişdir.
Hazırda QSC-nin Torpaqların Rekultivasiyası Departamentinin (TRD) kollektivi tərəfindən bu yaşıllıq sahələrinə aqrotexniki xidmətlər göstərilir. Yay mövsümünə uyğun olaraq bitkilərin mühafizəsi üçün zəruri aqrotexniki tədbirlər həyata keçirilir, ağacların dibləri boşaldılır, bitkilərə üzvü və qeyri üzvü gübrələr verilir. Ərazi damcı suvarma sistemləri ilə təmin edilmişdir ki, bu da bitkilərin su təchizatını xeyli dərəcədə yaxşılaşdırmışdır.
Bununla yanaşı, qarşıdan gələn payız əkini üçün ərazidə hazırlıq işləri görülür. Yaşıllıq sahələrinin genişləndirilməsi və bərpası məqsədilə ərazidəki istixanada kifayət qədər müxtəlif növ tinglər yetişdirilir. Açıq havada yetişdirilən tinglərin küləkdən mühafizəsi üçün, əlavə olaraq 40 m2-dək barı çəkilmiş və digər zəruri təsərrüfat işləri yerinə yetirilmişdir.
“Ekol Mühəndislik Xidmətləri” QSC yaşıllıq sahələrinə göstərdiyi aqrotexniki xidmətlərin kəmiyyət və keyfiyyətinin daha da yaxşılaşdırılması istiqamətində məqsədyönlü tədbirlərini davam etdirir.
tarix : 21.08.2014
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
