Ekoloji vəziyyətin yaxşılaşdırılması və ətraf mühitin mühafizəsi məqsədilə yaşıllaşdırma tədbirləri xüsusi əhəmiyyət kəsb edir. Bu kimi zəruri tədbirlərin xidmət sahələrində həyata keçirilməsinə "Ekol Mühəndislik Xidmətləri" QSC də xüsusi önəm verir.
Bununla əlaqədar olaraq, xüsusilə tullantıların təmizlənməsi və emalı proseslərinin ətraf mühitə təsirinin minimuma endirilməsi məqsədilə, QSC-nin Tullantıların Emalı Departamentinin (TED) 6-cı (Heydər Əliyev adına BNEZ-nun 9-cu sexinin ərazisi) və 7-ci ("Azərneftyağ" NEZ-nun 8-ci sexinin ərazisi) sahələrinin ərazisində mütəmadi olaraq yaşıllaşdırma tədbirləri həyata keçirilir.
Son illərdə QSC-nin yuxarıda qeyd olunan xidmət sahələrində, eləcə də Torpaqların Rekultivasiyası Departamentinin inzibati binasının ətrafında ( Zığ şosesi, Hövsan yolu) xeyli sayda ağaclar, bəzək və gül kolları əkilmiş, yeni yaşıllıq sahələri salınmışdır. Yaşıllıq sahələri suvarma sistemləri ilə təchiz edilmiş, bitkilərə aqrotexniki xidmət göstərilməsi və mühafizəsi üçün təcrübəli mütəxəssislər cəlb olunmuşdur.
QSC-nin xidmət sahələrində yaşıllaşdırma tədbirlərinin davamlı olaraq həyata keçirilməsi nəzərdə tutulmuşdur.
tarix : 29.08.2014
|