"Ekol Mühəndislik Xidmətləri" QSC fəaliyyət göstərdiyi xidmət sahələrində, eləcə də ətraf ərazilərdə ekoloji vəziyyətin yaxşılaşdırılması istiqamətində ardıcıl tədbirlər həyata keçirir. NQÇİ-nin mədən ərazilərində neftlə çirklənmiş torpaqların təmizlənməsi, neftşlamın emal edilərək zərərsizləşdirilməsi, sənaye-çirkab axıntı sularının təmizlənməsi ,reabilitasiya olunmuş mədən ərazilərinin yaşıllaşdırılması və s. bu kimi tədbirlər məhz ekoloji vəziyyətin yaxşılaşdırılmasına yönəlmişdir.
QSC-nin xidmət sahələrində təbii ehtiyatlardan (su, elektrik enerjisi, təbii qaz, material ehtiyatları və s.) qənaətlə istifadə edilməklə yanaşı, xidmət sahələrində formalaşan tullantıların idarə olunması İSO beynəlxalq standartlarının tələblərinə uyğun olaraq həyata keçirilir. Tullantıların idarə olunması QSC-nin Ekoloji Monitorinq Departamenti tərəfindən daimi nəzarətdə saxlanılır. ARDNŞ-nin Ekologiya idarəsi ilə bağlanmış müqaviləyə əsasən xüsusi tullantılar (işlənmiş avtomaşın şinləri, lüminessensiya lampaları, katriclər, akkumlyatorlar və s.) vaxtaşırı olaraq Qaradağ "Tullantı Mərkəzi"nə təhvil verilir. 2014-cü ilin müvafiq dövründə "Tullantı Mərkəzi"nə 0.53 tona qədər xüsusi tullantılar, digər müvafiq təşkilatlara isə aidiyyəti üzrə 2.43 ton bərk tullantılar, 170 m3-ə qədəri kanalizasiya suları təhvil verilmişdir. QSC-də atmosferə atılan qazların minimuma endirilməsi sahəsində də qabaqlayıcı tədbirlər görülür. Bu məqsədlə istismarda olan modul və mexaniki təmizləyici qurğularda mütəmadi olaraq profilaktiki təmir işləri aparılır və xidmət sahələrində yaşıllaşdırma tədbirləri yerinə yetirilir. Həmçinin, QSC-nin balansında olan nəqliyyat vasitələri müvafiq qaydada texniki baxışdan keçirilir və nasazlıqlar operativ olaraq aradan qaldırılır. "Ekol Mühəndislik Xidmətləri" QSC-nin xidmət sahələrində və ətraf ərazilərdə ekoloji vəziyyətin yaxşılaşdırılması istiqamətində tədbirlər davam etdirilir.
tarix : 08.09.2014
|